ბათუმში მეჩეთის მშენებლობასთან დაკავშირებით შედგება თუ არა შეთანხმება, დრო გვიჩვენებს,- ამის შესახებ აჭარის უმაღლეს საბჭოში "ქართული ოცნების" დეპუტატმა ცოტნე ანანიძემ განაცხადა. ცოტნე ანანიძე აცხადებს, რომ საკითხზე სასამართლოს გადაწყვეტილება მნიშვნელოვანია.

"მეჩეთის საკითხზე სასამართლომ მხარეებს მოლაპარაკებისა და შეთახმებისკენ მოუწოდა, ბათუმის თვითმმართველობა გამოთქვამს მზაობას მოლაპარაკებებზე. შედგება თუ არა შეთანხმება, ამას დრო გვაჩვენებს. სხვა შემთხვევაში, სასამართლოს გადაწყვეტილების აღსრულება კონსტიტუციის მოთხოვნაა. საზოგადოებრივი ინტერესებიდან გამომდინარე, უმჯობესია საკითხის ირგვლივ არ იყოს ემოციები და ვნებათა ღელვა," - განაცხადა ცოტნე ანანიძემ.

ბათუმში ახალი მეჩეთის მშენებლობასთან დაკავშირებით ბათუმის საქალაქო სასამართლოში პროცესი გრძელდება. სარჩელის ავტორი, მუსლიმი თემია.