მამუკა ბახტაძე - არჩევნებმა შეიძლება აზრი დაკარგა უპასუხისმგებლო პოლიტიკური ე.წ ლიდერებისთვის

თუ ვინმე უკანონობაშია შემჩნეული, მას არავინ და ვერავინ დაიცავს, გამოძიება ყველაფერს გაარკვევს, - ამის შესახებ საქართველოს პრემიერ-მინისტრმა მამუკა ბახტაძემ ზუგდიდში შუალედური არჩევნებისას განვითარებულ მოვლენებზე საუბრისას განაცხადა.

მთავრობის მეთაურის თქმით, „ნაციონალური მოძრაობა“ და მისი ლიდერები თავიანთ განწყობას არ მალავდნენ და ოფიციალურად აანონსებდნენ „არეულობას, ადუღებას“ და ა.შ.

„ისინი ამ სიტყვებით ესაუბრებიან საზოგადოებას. მათი მიზანია, გააჩინონ განცდა, რომ საქართველოში მოხდება არეულობა. მინდა, ყველას ვუთხრა, რომ საქართველოში ყველა არჩევნები ჩატარდება თავისუფლად და მხოლოდ ქართველი ერი მიიღებს გადაწყვეტილებას. მსგავსი განცდების შექმნით რეალურ შედეგს ვერავინ მიაღწევს. კანონი იქნება ძალიან მკაცრი. ეს ძალიან მნიშვნელოვანი წითელი ხაზია ჩვენი სახელმწიფოსთვის. 2012 წელს, მოძალადე რეჟიმის მიუხედავად, ახალი ფურცელი ჩავწერეთ ჩვენს ისტორიაში - ხელისუფლება შეიცვალა არჩევნებით. ამით ქართული სახელმწიფოსთვის სრულიად ახალი ეპოქა დაიწყო და ამ ისტორიას უკან ვერავინ დააბრუნებს“, - განაცხადა მამუკა ბახტაძემ.

პრემიერ-მინისტრის განმარტებით ის, რომ „უპასუხისმგებლო“ პოლიტიკურ ლიდერებს არეულობა არ მოუწყვიათ, არ ნიშნავს იმას, რომ მათ ეს არ სურდათ. მისივე შეფასებით, ეს არის იმის დამსახურება, რომ სახელმწიფო ინსტიტუტები მოწოდების სიმაღლეზეა.

„მათი ლიდერის ერთადერთი მიზანი და განზრახვა არეულობის მოწყობაა და ის ამას არ მალავს. თუმცა, სახელმწიფო ინსტიტუტები დგანან მოწოდების სიმაღლეზე და ჩვენ ამას არასოდეს დავუშვებთ. ჩვენთვის მთავარი პოლიტიკური მონაპოვარია არჩევნების ჩატარება თავისუფალ რეჟიმში, ძალადობის გარეშე, სხვანაირად დემოკრატია არ მუშაობს. კანონს ყველამ პატივი უნდა ვცეთ. არჩევნებმა შეიძლება აზრი დაკარგა უპასუხისმგებლო პოლიტიკური ე.წ ლიდერებისთვის, რომლებიც არასოდეს ხელმძღვანელობდნენ ეროვნული ინტერესებით და არც მომავალში აპირებენ. დიახ, ასეთ ადამიანებისთვის არჩევნები და ზოგადად, დემოკრატიის პრინციპი გამოსავალი არ არის“,- აღნიშნა პრემიერ-მინისტრმა გადაცემა „რეაქციაში“.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს