სკოლის დირექტორის განცხადებით, გოგონა, რომელსაც  შვილის  მკვლელობა ედება ბრალად, ამ დრომდე სკოლის მოსწავლედ ირიცხება, მისი ფეხმძიმობა კი არ შეუმჩნევიათ

წყალტუბოს ერთ-ერთი სკოლის დირექტორის განცხადებით, 16 წლის გოგონა, რომელსაც სოფელ აღაიანში საკუთარი 7 თვის შვილის განზრახ მკვლელობა ედება ბრალად, ამ დრომდე სკოლის მოსწავლედ ირიცხება.

როგორც დირექტორმა „კვირის პალიტრასთან“ საუბარში განაცხადა, გოგონა გამოცდებს ექსტერნად აბარებდა. ამასთან, დირექტორის მტკიცებით, მათი სკოლის მოსწავლისთვის „ფეხმძიმობა არ შეუმჩნევიათ“.

„გათხოვილი იყო თუ არა, ეს არ ფიქსირდება. იყო ასეთი შემთხვევა, როცა ის 2017 წელს გაიპარა სკოლიდან. ამის შესახებ მისმა ძმამ შემატყობინა, მითხრა, გაკვეთილებზე იყო, მაგრამ სახლში არ მოსულაო, ბუნებრივია, მაშინვე დავრეკეთ პოლიციაში, პოლიციასთან ჩვენს გასაუბრებას მისი დედაც ესწრებოდა და 2 დღეში გავიგეთ, რომ გაპარული იყო და გამოჩნდა. შემდეგ ამ საქმეს რა მსვლელობა მისცა პოლიციამ, ჩემთვის უცნობია, იმ ფაქტიდან რამდენიმე ხანში გამოჩნდა სკოლაშიც და ჩვეულებრივ დადიოდა”, - აცხადებს დირექტორი.

კითხვაზე, სკოლაში დაბრუნების შემდეგ, ჰკითხეს, თუ არა, სად იყო, დირექტორი პასუხობს, რომ ეს უხერხულობას შექმნიდა, რის გამოც, ამასთან დაკავშირებით, ყურადღება არ გაუმახვილებიათ.

„ეს იმდენად უხერხულობის მომენტი იყო, ამაზე ყურადღება არ გაგვიმახვილებია. ბავშვი სტრესულ მდგომარეობაში იყო მისი გადადგმული ნაბიჯიდან გამომდინარე და მივიჩნევდით, რომ ზედმეტი კითხვის დასმა არ იყო საჭირო.

ჩვეულებრივ დადიოდა სკოლაში, ზოგჯერ 2 თვეში ერთხელ, გამოცდებსაც აბარებდა. კანონით, პირს რომ მოსწავლის სტატუსი შეუჩერდეს, ამისთვის 90 დღეზე მეტი უნდა ჰქონდეს გაცდენა, თუ 90 დღის განმავლობაში ერთხელ მაინც გამოცხადდა სკოლაში, მაშინ ათვლა იწყება თავიდან. ამიტომ ის არ არღვევდა ამ 90 დღიან ვადას და პერიოდულად ცხადდებოდა სკოლაში.

ფეხმძიმობა არ შეგვიმჩნევია. ბავშვთან ერთადაც არასდროს გამოჩენილა სკოლაში”, - აცხადებს სკოლის დირექტორი.

ცნობისთვის, სოფელ აღაიანში 7 თვის ჩვილის მკვლელობაში ბრალებულ არასრულწლოვან დედას გუშინ, გორის რაიონულმა სასამართლომ აღკვეთის ღონისძიების სახით, პატიმრობა შეუფარდა.

შინაგან საქმეთა სამინისტროს ინფორმაციით, არასრულწლოვანმა დაკავებისას ჩადენილი დანაშაული აღიარა. თუმცა, მას შემდეგ, რაც მას ბრალი ოფიციალურად წარედგინა, პოზიცია შეცვალა და დუმილის უფლებით სარგებლობს.

იხილეთ ვიდეო: 7 თვის ჩვილის მკვლელობაში ბრალდებული გოგონა ამ დრომდე სკოლის მოსწავლედ ირიცხება

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს