იუსტიციის უმაღლესი საბჭოს მდივანს გიორგი მიქაუტაძეს, უზენაესი სასამართლოს მოსამართლეობის თაობაზე ხალახალი განაცხადი ჯერჯერობით არ გაუკეთებია.
"უზენაეს სასამართლოში კანდიდატურის დაყენებას არ გამოვრიცხავ, თუმცა ამ ეტაპზე განაცხადი შევსებული არ მაქვს. ამასაც არ დაგიმალავთ",- განაცხადა გიორგი მიქაუტაძემ ჟურნალისტებთან საუბრისას.
შეგახსენებთ,რომ გიორგი მიქაუტაძე უზენაესი სასამართლოს მოსამართლეობის იმ 10-კაციან სიაში იყო, რომელიც იუსტიციის უმაღლესმა საბჭომ განსახილველად პარლამენტს გადაუგზავნა და რომელიც ათივე კანდიდატის სურვილის მიხედვით, უკან იქნა გაწვეული.
ამის პარალელურად გიორგი მიქაუტაძეს თბილისის სააპელაციო და საქალაქო სასამართლოების ადმინისტრაციულ პალატებში ჰქონდა განაცხადი შეტანილი,თუმცა დღეს, ცნობილი გახდა, რომ სააპელაციო სასამართლოში კანდიდატურას ხსნის და მხოლოდ თბილისის საქალაქო სასამართლოს ადმინისტრაციულ კოლეგიაში ტოვებს.