ემანუელ მაკრონი ლონდონს მოუწოდებს, „ბრექსითთან“ დაკავშირებით განმარტება გააკეთოს

საფრანგეთის პრეზიდენტი ემანუელ მაკრონი ლონდონს მოუწოდებს, პრემიერ-მინისტრ ტერეზა მეის გადადგომის შემდეგ „ბრექსითთან“ დაკავშირებით განმარტება გააკეთოს.

მან ტერეზა მეის პოლიტიკური მოღვაწეობა შეაქო და განაცხადა, რომ მეიმ დიდი საქმე შეასრულა და ყოველთვის იცავდა თავისი ქვეყნის ინტერესებს.

მაკრონმა ასევე აღნიშნა, რომ მეის განცხადებამ ბრიტანელ პოლიტიკოსებს უნდა შეახსენოს, რომ „ბრექსითის“ განხორციელება ალტერნატიული გეგმის შემუშავების გარეშე ქვეყანას ჩიხში შეიყვანს. საფრანგეთის პრეზიდენტმა ასევე განაცხადა, რომ გაერთიანებულ სამეფოში ახალი პრემიერ-მინისტრის არჩევის შემდეგ საფრანგეთი მზად არის მასთან იმუშაოს.