თავისუფალ ჭიდაობაში თბილისის ღია პირველობა გაიმართა

ჭიდაობის ფედერაციის ცენტრალურ ბაზაზე, საქართველოს დამოუკიდებლობის დღისადმი და საქართველოს ტერიტორიული მთლიანობის, დამოუკიდებლობისა და თავისუფლებისათვის აფხაზეთში დაღუპული ვახტანგ თედიაშვილისა და მისი თანამებრძოლებისადმი მიძღვნილი თბილისის ღია პირველობა გაიმართა თავისუფალ ჭიდაობაში. როგორც „ინტერპრესნიუსს“ ვეტერანების საქმეთა სახელმწიფო სამსახურიდან აცნობეს, უმცროსი ასაკის (2006-2008 და 2009-2010 წლებში დაბადებულ)ჭაბუკთა შორის ღია პირველობა თბილისის ჭიდაობის ფედერაციის ორგანიზებით და ვეტერანების საქმეთა სახელმწიფო სამსახურის ხელშეწყობით ჩატარდა. შეჯიბრში მონაწილეობა 10 წონით კატეგორიაში, 180-მდე მოზარდმა მიიღო.

გამარჯვებულებს ვეტერანების საქმეთა სახელმწიფო სამსახურის სიგელები და მედლები ლევან თედიაშვილის ვაჟმა, ბესო თედიაშვილმა, თბილისის ჭიდაობის ფედერაციის გენერალურმა მდივანმა, გოჩა ჩორგოლიანმა, ოლიმპიურმა ვიცე ჩემპიონმა თავისუფალ ჭიდაობაში, გიორგი გოგშელიძემ, პოლკოვნიკმა ზურაბ ჯაფარიძემ და სხვა დამსახურებულმა სპორტსმენებმა გადასცეს.

"თბილისის ღია პირველობამ თავისუფალ ჭიდაობაში წარმატებით ჩაიარა. ბავშვები არიან ძალიან გახარებული და კმაყოფილები. მინდა, ვეტერანების საქმეთა სახელმწიფო სამსახურს მადლობა გადავუხადოთ ამ ლამაზი დღისთვის. დღევანდელი ჩემპიონატი საქართველოს ტერიტორიული მთლიანობის, დამოუკიდებლობისა და თავისუფლებისათვის აფხაზეთში დაღუპული ვახტანგ თედიაშვილისა და მისი თანამებრძოლების ხსოვნას მიეძღვნა. ტერიტორიულ მთლიანობისთვის, დამოუკიდებლობისა და თავისუფლებისათვის წარმოებულ ბრძოლებში არა ერთ ქართველ მოჭიდავეს მიუღია მონაწილეობა. მომავალშიც ასე იქნება, თუკი ეს ქვეყანას დასჭირდება. ეს ბავშვებიც სამშობლოს სიყვარულით, პატრიოტიზმითა და მამაცური სულისკვეთებით იზრდებიან", - განაცხადა თბილისის ჭიდაობის ფედერაციის გენერალურმა მდივანმა გოჩა ჩორგოლიანმა.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს