განათლების, მეცნიერებისა და კულტურის კომიტეტის თავმჯდომარის მარიამ ჯაშის განცხადებით, სასიხარულოა, რომ დამოუკიდებლობის დღისადმი მიძღვნილ ღონისძიებებში სულ უფრო მეტი ადამიანი იღებს მონაწილეობას. მისი თქმით, 26 მაისი სახალხო დღესასწაულად იქცა.

"საქართველოს თვითმყოფადობისთვის ეს არის ყველაზე მნიშვნელოვანი ეროვნული დღესასწაული, ძალიან გვახარებს, რომ ყოველწლიურად სულ უფრო სახალხო ზეიმის სახეს იღებს ეს დღე. ტრადიციად იქცა არა მხოლოდ 26 მაისის მილოცვა, არამედ სახალხო პრეზენტაციებში და სხვადასხვა ღონისძიებაში მონაწილეობის მიღება. მინდა, ჩვენს თითოეულ მოქალაქეს მივულოცო დღევანდელი დღე და ვუსურვო, რომ ჩვენი ქვეყნის ის მთავარი გამოწვევა, რომელიც ოკუპაციაა,მომდევნო წლებში იყოს გადაჭრილი",- განაცხადა მარიამ ჯაშმა.