ლიეტუვას საპრეზიდენტო არჩევნებში ეკონომისტმა გიტანას ნაუსედამ გაიმარჯვა. არჩევნების მეორე ტურში მისი მეტოქე ინგრიდა შიმონიტე იყო. წინასწარი შედეგების თანახმად, 55 წლის ნაუსედამ ამომრჩეველთა 74 პროცენტის მხარდაჭერა მოიპოვა. 44 წლის შიმონიტეს კი, რომელიც ფინანსთა ყოფილი მინისტრია, ამომრჩეველთა მხოლოდ 26%-მა დაუჭირა მხარი.

არჩევნების პირველი ტური 12 მაისს გაიმართა. სულ პრეზიდენტის პოსტისთვის 9 კანდიდატი იბრძოდა.

პრეზიდენტი თანამდებობაზე 5 წლის ვადით ირჩევა. ახალი პრეზიდენტი დალია გრიბაუსკაიტეს ჩაანაცვლებს, რომელიც აღნიშნულ პოსტს 2009 წლიდან იკავებს.

ლიეტუვის საპრეზიდენტო არჩევნებში ეკონომისტმა გიტანას ნაუსედამ გაიმარჯვა