დავით გარეჯის შესახებ ჩვენ ძალიან მკაფიოდ დავაფიქსირეთ, რომ აუცილებელია შეწყდეს პროცესები, რადგან ვიდრე სადელიმიტაციო კომისია შიგნით მსჯელობს კონკრეტულ საკითხებზე, არასწორი ინტერპრეტირების საშუალება არავის მიეცეს,- ამის შესახებ საგარეო საქმეთა მინისტრმა დავით ზალკალიანმა დავით გარეჯში მიმდინარე მოვლენებზე საუბრისას განაცხადა.

მისი თქმით, ძალიან მნიშვნელოვანია, რომ კომისიის მუშაობა განახლდა.

„კომისიის საქმიანობა საკმაოდ დიდი ხნის განმავლობაში იყო შეჩერებული. მნიშვნელოვანია, რომ პირველი შეხვედრა შედგა, რომელსაც მოჰყვება შემდგომი შეხვედრა და ის თბილისში გაიმართება. კომისიას აქვს ის ფუნქცია და მნიშვნელობა, რომ მყისიერი რეაგირების საშუალებაა იქ მიმდინარე მოვლენებზე. სწორედ კომისიის ფარგლებში იყო გარეჯში მიმდინარე სამუშაოებთან დაკავშირებით საკითხი დაყენებული. ჩვენ ძალიან მკაფიოდ დავაფიქსირეთ, რომ აუცილებელია შეწყდეს პროცესები, რადგან ვიდრე სადელიმიტაციო კომისია შიგნით მსჯელობს კონკრეტულ საკითხებზე, აუცილებელია, რომ არასწორი ინტერპრეტირების საშუალება არ მიეცეს არავის. იმის აღქმაც კი არ უნდა არსებობდეს, რომ სტატუს-კვო იცვლება", - განაცხადა ზალკალიანმა.

აუცილებელია შეწყდეს პროცესები, ვიდრე სადელიმიტაციო კომისია მსჯელობს