ოდესის ყოფილი გუბერნატორის მიხეილ სააკაშვილის უკრაინის საზღვარზე არ შემოშვების საფუძველი არ არსებობს. ამის შესახებ „უკრაინსკაია პრავდას“ უკრაინის სახელმწიფო სასაზღვრო სამსახურის პრესმდივანმა ოლეგ სლობოდიანმა განუცხადა.
„უკრაინის მოქალაქეს ვერ ექნება შეზღუდული უკრაინის ტერიტორიაზე შესვლის უფლება“ - განაცხადა სლობოდიანმა.
მისი თქმით, სააკაშვილს აკრძალული ჰქონდა უკრაინის საზღვრის გადაკვეთა როგორც მოქალაქეობის არმქონე პირს. ახლა კი ეს გარემოებები გაქრა.
უკრაინის პრეზიდენტმა ვლადიმერ ზელენსკიმ მიხეილ სააკაშვილს უკრაინის მოქალაქეობა აღუდგინა.