საქართველოს პრემიერ-მინისტრი სომეხ ხალხს პირველი რესპუბლიკის დღეს ულოცავს

საქართველოს პრემიერ-მინისტრი მამუკა ბახტაძე სომეხ ხალხს პირველი რესპუბლიკის დღეს ულოცავს. ამის შესახებ ინფორმაციას პრემიერ-მინისტრის პრესსამსახური ავრცელებს.

მათი ინფორმაციით, მისალოც წერილში, რომელიც მამუკა ბახტაძემ სომეხ კოლეგას ნიკოლ ფაშინიანს გაუგზავნა ხაზგასმულია ქვეყნებს შორის არსებული მეგობრობა და მჭიდრო თანამშრომლობა.

მთავრობის მეთაური სომხეთის პრემიერ-მინისტრს ასევე მადლობას უხდის საქართველოს დამოუკიდებლობის დღის მოლოცვისთვის.

„ვსარგებლობ შემთხვევით და მინდა, პირადად თქვენ და მეგობარ სომეხ ხალხს, გულითადად მოგილოცოთ პირველი რესპუბლიკის დღე. ნიშანდობლივია, რომ საქართველომ და სომხეთმა, საუკუნეზე მეტი ხნის წინ, თითქმის ერთდროულად ჩაუყარეს საფუძველი თანამედროვე დემოკრატიულ სახელმწიფოებს, რომელთა მემკვიდრეობის განვითარებასა და განმტკიცებასაც წარმატებით ვაგრძელებთ.

მინდა მადლობა მოგახსენოთ ჩვენს ქვეყნებს შორის მეგობრობასა და მჭიდრო თანამშრომლობაში შეტანილი წვლილისათვის. იმედი მაქვს, რომ ჩვენი გულწრფელი დიალოგი და გამოცდილების გაზიარება ხელს შეუწყობს საქართველოსა და სომხეთს შორის მრავალსაუკუნოვანი მეგობრობისა და კეთილმეზობლობის კიდევ უფრო გაღრმავებასა და ახალი დინამიკური ურთიერთობების განვითარებას და ასევე, დადებითად იმოქმედებს რეგიონული მშვიდობის განმტკიცებაზე.

თქვენო აღმატებულებავ, კიდევ ერთხელ გიდასტურებთ ჩემს ღრმა პატივისცემას და გისურვებთ წარმატებულ საქმიანობას ქვეყნის რეფორმების, განვითარებისა და წინსვლის საქმეში“,- ნათქვამია მამუკა ბახტაძის მისალოც წერილში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს