ვალერი ჩეჩელაშვილი - არ გამოვრიცხავ, რომ სააკაშვილის პოლიტიკური ძალა მონაწილეობას მიიღებს რადას არჩევნებში და პარლამენტში მოხვედრის შემთხვევაში, კოალიციას შექმნის ზელენსკის პარტიასთან

არ მგონია, რომ ზელენკსისა და სააკაშვილს შორის უკვე რაიმე კომუნიკაცია შედგა, - ამის შესახებ საქართველოს ყოფილმა ელჩმა უკრაინაში და „რონდელის ფონდის“ მკვლევარმა, ვალერი ჩეჩელაშვილმა „ინტერპრესნიუსს“ განუცხადა.

მან ისაუბრა უკრაინის ახალი პრეზიდენტის, ვლადიმერ ზელენსკის მიერ საქართველოს ყოფილი პრეზიდენტის, მიხეილ სააკაშვილისთვის უკრაინის მოქალაქეობის დაბრუნების შესახებ და გამოეხმაურა სააკაშვილის განცხადებას, რომლის თანახმადაც ის „ხვალ კიევში ჩავა და უკრაინის ახალ პრეზიდენტსა და უკრაინელ ხალხს დაეხმარება“.

„არა მგონია, რომ სააკაშვილს და ზელენსკის შორის უკვე რაიმე კომუნიკაცია შედგა. რა როლი შეიძლება ჰქონდეს მესამე პრეზიდენტს უკრაინაში, ვფიქრობ, აქ ორი მიმართულებით შეიძლება, განვითარდეს მისი საქმიანობა: პირველი, მას ძალიან კარგად ესმის, რა სახის ინსტიტუციონალური რეფორმები უნდა ჩატარდეს უკრაინაში, რადგან ეს გაკეთებული აქვს საქართველოში. ასევე, კარგად იცნობს უკრაინის რეალობას, რადგან უშუალოდ შიგნით ცდილობდა, განეხორციელებინა რეფორმები, რაც სხვადასხვა მიზეზის გამო ვერ განახორციელა. მეორე მიმართულება ისაა, რომ არ გამოვრიცხავ, მესამე პრეზიდენტი და მის მიერ ჩამოყალიბებული პოლიტიკური ძალა მიიღებს მონაწილეობას არჩევნებში 21 ივლისისთვის და პარლამენტში მოხვედრის შემთხვევაში შევა კოალიციაში ზელენსკის პარტიასთან ახალ პარლამენტში“, - განაცხადა ჩეჩელაშვილმა.

კითხვაზე, რომ ზელენსკისა და სააკაშვილის სტილს ერთმანეთს ამსგავსებენ და ეს მსგავსება რამდენად რეალურია ჩეჩელაშვილმა უპასუხა, რომ მათ ბევრი საერთო აქვს, თუმცა ამასთანავე, ბევრ რამეში განსხვავდებიან.

„შედარების საფუძველი, ალბათ, არის, მაგრამ მხოლოდ ნაწილობრივ. ორივენი ძალიან გულწრფელები და უშუალოები არიან, როგორც შემიძლია, შევაფასო, მაგრამ ამავდროულად, ძალიან განსხვავებული ტიპის ადამიანები არიან, რამდენადაც მე მესმის. ამასთან, 2019 წლის უკრაინა სულ არ გავს 2003 წლის საქართველოს, აბსოლუტურად განსხვავებული ვითარებებია. შეიძლება, ყველაფერი შევადაროთ ერთმანეთს, მაგრამ პრინციპში, ძალიან განსხვავებულ ვითარებასთან და განსხვავებულ პოლიტიკოსებთან გვაქვს საქმე. თუმცა საერთოც ბევრი აქვთ, მაგალითად ის, რომ მთავარ ამოცანად თვლიან ძველი კორუმპირებული სისტემის დემონტაჟს და ახალი ტიპის სოციალური ურთიერთობების ჩამოყალიბების ამოცანას საზოგადოებაში“, - აღნიშნა ყოფილმა ელჩმა უკრაინაში.

მანვე „ინტერპრესნიუსის“ კითხვაზე, შეიძლება თუ არა, რომ ვლადიმერ ზელენკსი სამომავლოდ, საკმაოდ სერიოზულ ლიდერადაც მოგვევლინოს, უპასუხა, რომ ამის შესაძლებლობა არსებობს.

„რასაც ჯერჯერობით პრეზიდენტი ზელენსკი აკეთებს, იძლევა სერიოზულ საფუძველს საიმისოდ, რომ ის ჩამოყალიბდეს ძალიან სერიოზულ ლიდერად, რომელსაც ექნება სერიოზული ფუნქცია და როლი არა მხოლოდ უკრაინის ისტორიაში, არამედ პოსტტოტალიტარული, ანუ პოსტსაბჭოთა სივრცის რეფორმირების საქმეში“, - განაცხადა ვალერი ჩეჩელაშვილმა.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა