ადვოკატ ნიკოლაი პოლოზოვის შეფასებით, უკრაინის პრეზიდენტის განკარგულება კანონიერია, თუმცა გამორიცხული არ არის მიხეილ სააკაშვილს ქვეყანაში დაბრუნების შემდეგ იურიდიული პრობლემები შეექმნას. უკრაინული სააგენტო „უნიანი“ ადვოკატ ნიკოლაი პოლოზოვის კომენტარს ავრცელებს. პოლოზოვის განცხადებით, უკრაინის პრეზიდენტის განკარგულება სრულიად კანონიერია, თუმცა არ არის გამორიცხული სააკაშვილს ქვეყანაში დაბრუნების შემდეგ შეექმნას იურიდიული პრობლემები, რადგან უცნობია დახურულია თუ არა მის წინააღმდეგ ადრე აღძრული საქმე საზღვრის უკანონო გადაკვეთის თაობაზე. თეორიულად შესაძლოა ამ ძველი საქმეების გამო სააკაშვილის სისხლის სამართლებრივი დევნაც განხორციელდეს, მიუხედავად იმისა, რომ პოლიტიკური კონტექსტი ამ საქმეში აშკარაა.
ადვოკატი სააკაშვილს ურჩევს ამ შესაძლო პრობლემების მოსაგვარებლად დროულად უზრუნველყოს იურიდიული დაცვა.