თემაზე - "გენდერული თანასწორობის როლი ადამიანური კაპიტალის განვითარებისთვის“, შემაჯამებელი შეხვედრა გაიმართება

30 მაისს, სასტუმრო ,,შერატონ გრანდ მეტეხი პალასის“ საკონფერენციო დარბაზში, „ათასწლეულის გამოწვევის ფონდი - საქართველო“ რიგით მეცხრე და საბოლოო შეხვედრას გამართავს თემაზე - ,,გენდერული თანასწორობის როლი ადამიანური კაპიტალის განვითარებისთვის“.

როგორც „ინტერპრესნიუსს“ „ათასწლეულის გამოწვევის ფონდიდან“ აცნობეს, შეხვედრას ,,ათასწლეულის გამოწვევის ფონდის“ აღმასრულებელი დირექტორი - მაგდა მაღრაძე, ირინა აბულაძე - საქართველოს განათლების, მეცნიერების, კულტურისა და სპორტის მინისტრის მოადგილე; საქართველოს პარლამენტის თავმჯდომარის პირველი მოადგილე, გენდერული თანასწორობის საბჭოს თავმჯდომარე - თამარ ჩუგოშვილი, ჯეფრი რენო - აშშ-ის მისიის ხელმძღვანელის მოადგილის მოვალეობის შემსრულებელი, აშშ-ის საელჩო; ჯენერ ედელმანი - ათასწლეულის გამოწვევის კორპორაციის საქართველოს წარმომადგენლობის დირექტორი დაესწრებიან.

მათივე ინფორმაციით მსჯელობა შეეხება ადამიანური კაპიტალის განვითარების საქმეში გენდერული თანასწორობის როლს, ქალთა ეკონომიკური გაძლიერების მნიშვნელობასა და ,,ათასწლეულის გამოწვევის ფონდის“ მიერ განხორციელებული მეორე კომპაქტის მიღწევებს, გამოწვევებსა და გამოცდილებას გენდერული თანასწორობისა და სოციალური ჩართულობის კუთხით.

„გენდერული უთანასწორობა ეკონომიკის ზრდის ერთ-ერთ მნიშვნელოვან შემაფერხებელ ფაქტორს წარმოადგენს. ,,ათასწლეულის გამოწვევის ფონდი – საქართველოს“ მიზანია, თანაბარი წვდომისა და სარგებელის, სოციალური ჩართულობისა და გენდერული ინტეგრაციის უზრუნველყოფა კომპაქტის ყველა პროგრამაში. „ათასწლეულის გამოწვევის ფონდი – საქართველო“ აშშ-ის ათასწლეულის გამოწვევის კორპორაციის მეორე კომპაქტს (გრანტი) ახორციელებს საქართველოში, ახდენს 140 მლნ აშშ დოლარის ინვესტირებას ქვეყნის განათლების სექტორში, რაც მიზნად ისახავს ადამიანური კაპიტალის განვითარების გზით ეკონომიკურ ზრდას, უმუშევრობის შემცირებასა და სიღარიბის დაძლევას“, - აღნიშნულია ინფორმაციაში.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან