საპენსიო სააგენტო პირისპირ კომუნიკაციის, ინტერაქციისა და კითხვა პასუხის რეჟიმში შეხვედრებს განაგრძობს

საპენსიო სააგენტო პირისპირ კომუნიკაციის, ინტერაქციისა და კითხვა პასუხის რეჟიმში შეხვედრებს განაგრძობს. როგორც „ინტერპრესნიუსს“ საპენსიო სააგენტოდან აცნობეს, მიმდინარე რეფორმის შესახებ საპენსიო სააგენტოს დირექტორის მოადგილემ ვაჟა ჯაფოშვილმა მარნეულის საზოგადოებრივ კოლეჯში ისაუბრა.

მათივე ინფორმაციით, კოლეჯების, სკოლების, კლინიკებისა და კულტურის სახლის თანამშრომლებმა დაგროვებით საპენსიო სქემაზე მიიღეს ინფორმაცია, გაეცნენ საპენსიო სააგენტოს სტრუქტურას, ელექტრონულ სისტემას, პირადი საპენსიო ანგარიშების შემოწმების საკითხებს, ჩართულ ადამიანთა რაოდენობასა და საპენსიო ასაკში პენსიის დანიშვნის თემებს. გასვლით შეხვედრაზე ვაჟა ჯაფოშვილმა დასაქმებულთა ყველა შეკითხვას უპასუხა.

,,დაგროვებითი საპენსიო სქემის ამოქმედება არის საუკეთესო გადაწყვეტილება და ქვეყანაში მიმდინარე რეფორმა არის ერთადერთი გამოსავალი, რომელიც ჩვენი მოქალაქეების ღირსეულ საპენსიო ასაკს უზრუნველყოფს. საზოგადოებას დრო სჭირდება რომ კარგად დაინახოს საპენსიო რეფორმის შედეგები. ამ შეხვედრებით ჩვენ ვცდილობთ, მოსახლეობას პირადად ავუხსნათ რა სარგებლის მომტანია დაგროვებითი საპენსიო სქემა თითოეული მოქალაქისა და მთელი ქვეყნისთვის“, - განაცხადა ვაჟა ჯაფოშვილმა.

მარნეულში გასვლით შეხვედრას 100-მდე ადამიანი დაესწრო.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს