პოროშენკომ სააკაშვილს მოქალაქეობა ძალიან სწრაფად მისცა და ასევე სწრაფად წაართვა. ამაში არ იყო უკრაინის ეროვნული ინტერესები, იყო მხოლოდ პოროშენკოს პირადი ინტერესები, - განაცხადა დამოუკიდებელი უკრაინის პირველმა პრეზიდენტმა ლეონიდ კრავჩუკმა ტელეარხ „112 უკრაინას“ ეთერში. კრავჩუკის აზრით, სააკაშვილი, ალბათ, ვეღარ მიიღებს სახელმწიფო თანამდებობას უკრაინაში.

ლეონიდ კრავჩუკმა განმარტა, თუ რატომ დაუბრუნა ზელენსკიმ მიხეილ სააკაშვილს მოქალაქეობა. კრავჩუკის აზრით, ეს ზელენსკისთვის სამართლიანობის და ღირსების საკითხი იყო. კრავჩუკის განცხადებით, ყველას ახსოვს როგორ მოხდა საქართველოს ყოფილი პრეზიდენტისთვის მოქალაქეობის მიცემა და წართმევა.