30 მაისიდან 2 ივნისის ჩათვლით, თბილისის წიგნის 21-ე საერთაშორისო ფესტივალი გაიმართება

საქართველოს განათლების, მეცნიერების, კულტურისა და სპორტის სამინისტროს მხარდაჭერითა და საქართველოს წიგნის გამომცემელთა და გამავრცელებელთა ასოციაციის ორგანიზებით, 30 მაისიდან 2 ივნისის ჩათვლით თბილისის წიგნის 21-ე საერთაშორისო ფესტივალი გაიმართება. ამის შესახებ „ინტერპრესნიუსს“ განათლების, მეცნიერების, კულტურისა და სპორტის სამინისტროდან აცნობეს.

მათი ინფორმაციით, წელს პირველად ფესტივალი „ექსპო ჯორჯიას“ ოთხ, მე-3, მე-5, მე-6 და მე-11 პავილიონში გაიშლება და 70-მდე მონაწილესა და ასზე მეტ ღონისძიებას გააერთიანებს.

პირველად თბილისის წიგნის საერთაშორისო ფესტივალის ფარგლებში, 30 მაისს „ექსპო ჯორჯიას“ მე-3 პავილიონში გაიმართება გამომცემელთა საერთაშორისო კონფერენცია, სადაც სფეროს წარმომადგენლები, ქართველი და საერთაშორისო სტუმრების მონაწილეობით, საავტორო უფლებების, საგანმანათლებლო გამოწვევების, გამოხატვისა და გამოცემის თავისუფლების შესახებ იმსჯელებენ.

ტრადიციულად, თბილისის წიგნის საერთაშორისო ფესტივალს ეყოლება ფოკუს ქვეყანა და 2019 წელს ამ სტატუსით ფინეთი ისარგებლებს. 30 მაისიდან 2 ივნისის ჩათვლით თბილისის წიგნის საერთაშორისო ფესტივალის სპეციალური სტუმრები იქნებიან ფინელი მწერლები: ჰენრიკ მეინანდერი, როზა ლიქსომი, ლინდა ბუნდესტამი. ფესტივალის ფარგლებში ფინელი ავტორები გამართავენ შეხვედრებსა და პანელ დისკუსიებს ქართველ მწერლებთან ერთად.

„თბილისის წიგნის 21-ე საერთაშორისო ფესტივალის ფარგლებში მე-6, საბავშვო პავილიონში, თიბისი უმასპინძლებს პატარა მკითხველს, ხოლო 1 ივნისს კი თიბისი ახალ თაობას სპეციალური საბავშვო და შემეცნებითი პროგრამით დახვდება. მე-6 პავილიონში პატარა მკითხველებს საშუალება ექნებათ, ერთ სივრცეში დაათვალიერონ და შეიძინონ საბავშვო წიგნები, ასევე დაესწრონ მათთვის განკუთვნილ ღონისძიებებს და ეწვიონ მათ გასართობად საგანგებოდ მოწყობილ კუთხეს. მე-11 პავილიონში კი წიგნის მოყვარულებისთვის წარმოდგენილი იქნება საგამომცემლო სექტორი და სხვადასხვა სამთავრობო და არასამთავრობო ორგანიზაცია. ამავე პავილიონში პროექტის „მსახიობები ლიტერატურისთვის“ ფარგლებში წიგნის მოყვარულებს სამი დღის განმავლობაში კინოსა და თეატრის მსახიობები უმასპინძლებენ, წარადგენენ წიგნებს და გამართავენ საჯარო კითხვას. მე-5 პავილიონში დამთვალიერებელს ქართველი და ლიეტუველი ილუსტრატორების ილუსტრაციებისა და წიგნების გამოფენა - ,, ნახატის ენა“ დახვდება.

2 ივნისს, წლევანდელი ფესტივალის დასკვნით დღეს, 2020 წლის თბილისის წიგნის 22-ე საერთაშორისო ფესტივალის ფოკუს ქვეყნის სტატუსს თურქეთი ფინეთისგან საზეიმოდ ჩაიბარებს. თურქეთს, როგორც ფოკუს ქვეყანას, 2020 წელს თურქეთის ეროვნული წიგნის კომიტეტი წარადგენს,“ - ნათქვამია სამინისტროს ინფორმაციაში.

თბილისის წიგნის 21-ე საერთაშორისო ფესტივალის მხარდამჭერია საქართველოს განათლების, მეცნიერების, კულტურისა და სპორტის სამინისტრო, ქართული წიგნის ეროვნული ცენტრი და ქალაქ თბილისის მერია. პროექტის „მსახიობები ლიტერატურისთვის“ წარმდგენია კომპანია „სილქნეტი“.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 05.08.2020
გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა