თამარ ჟვანია - 31 მაისს გამართული პასუხით წარვსდგები პარლამენტის წინაშე

31 მაისს მე ძალიან გამართული პასუხით წარვსდგები პარლამენტის წინაშე, - ამის შესახებ ცენტრალური საარჩევნო კომისიის თავმჯდომარემ, თამარ ჟვანიამ, ინტერპელაციის წესით პარლამენტში დაბარებასთან დაკავშირებით ჟურნალისტებს განუცხადა.

მისივე თქმით, ინტერპელაციის წესი გულისხმობს კონკრეტული კითხვის დასმას და ეს კონკრეტული კითხვა უკვე დასმულია.

„კითხვა შეეხება იმას, თუ რა რეაგირება აქვს ცესკოს წინასაარჩევნო კამპანიის დროს არსებულ დარღვევებზე. ამ კითხვაზე ჩვენ ცხადია პასუხი უკვე მომზადებული გვაქვს და 31 მაისს მე პირადად ძალიან გამართული პასუხით წარვსდგები პარლამენტის წინაშე და თუკი დამატებითი კითხვები იქნება, მზად ვარ ყველა შეკითხვას ამომწურავი პასუხი გავცე“, - განაცხადა თამარ ჟვანიამ.

მან ასევე კომენტარი გააკეთე არჩევნების დროს სხვადასხვა სახის დარღვევასთან დაკავშირებით.

„იმ დარღვევების და საჩივრების არსი, რაც დაწერილია სხვადასხვა ორგანიზაციის მიერ, არც ერთი არ არის ისეთი საარჩევნო დარღვევა, რომელიც რაიმე განსხვავებულ შედეგს ან პროცესს ზიანს მიაყენებდა. ის დარღვევები, რაც საჩივრებში წინა საარჩევნო პერიოდის დროს ფიქსირდება, ძალიან მინიმალურია. პრაქტიკულად, ის არის დისციპლინარულ საკითხებზე და საჩივრების უმრავლესობაც მთლიანობაში ამას ეხებოდა", - აღნიშნა თამარ ჟვანიამ.

მისივე თქმით, ზოგადად არჩევნების დღემ პროცედურული კუთხით ძალიან კარგად ჩაიარა და საარჩევნო ადმინისტრაციამ ადმინისტრირება ძალიან მაღალ დონეზე შეძლო.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!