გიგა ბოკერია რომან კაკულიას - ქუჩური რომანტიკა თქვენთვის დამითმია, მთლიანად მმართველი გუნდისთვის

ორ კითხვაზე მსურს პასუხი: რა ფუჭდება იმით, თუ არ გადაიწევს განხილვა და ვისი ბრალია, რომ არასწორი გეგმა დაიდო. ეს უნდა გვითხრათ გარკვევით, ზოგადი სადღეგრძელობის გარეშე, ვინ არის პასუხისმგებელი, რომ ეს არასწორად გაითვალა, - ამ კითხვით დეპუტატმა გიგა ბოკერიამ დარგობრივი ეკონომიკის კომიტეტის სხდომაზე კომიტეტის თავმჯდომარეს რომან კაკულიას მიმართა, მიწათსარგებლობის გენერალური გეგმის დამტკიცების ექვსი თვის ვადით გადაწევასთან დაკავშირებით. რაზეც კაკულიამ უპასუხა, რომ ეს ორი კითხვა დღის წესრიგს არ ეხებოდა და მოუწოდა ბოკერიას, დღის წესრიგი არ შეეცვალა.

„როგორ გამიცრუეთ იმედი. არ გაინტერესებთ ვისი ბრალია, რომ პარლამენტს აგდებულად ექცევიან?! ძალიან ცუდი. ახლა ორ კვირაში რომ ისევ შემოიტანონ კიდევ ერთი კანონი და კიდევ ოთხი თვით გაგვიგრძელეთო, თქვენ კითხვა არ გაგიჩნდებათ? თქვენ როგორც პარლამენტის წევრს, პოლიტიკური თავმოყვარეობის ამბავში ეს საკითხი არ შეგაწუხებთ?! ქუჩურ და კაცურ თავმოყვარეობაზე არ ვსაუბრობ“, - მიმართა ბოკერიამ რომან კაკულიას რაზეც დეპუტატმა უპასუხა, რომ „თუმცა ეგეც საინტერესო იქნებიდა“. რაზეც ბოკერიამ შემდეგი პასუხი დაუბრუნა.

„ვინც მაგრები ხართ ქუჩაში, იმათ ილაპარაკეთ ქუჩაზე, მე არ ვარ. მე პოლიტიკურ თავმოყვარეობაზე ვსაუბრობ მხოლოდ. ეგ რომანტიკა თქვენთვის დამითმია, მმართველი გუნდისთვის მთლიანად, ქუჩური და ქუჩა. მე მხოლოდ პოლიტიკურ თავმოყვარეობაზე მაქვს საუბარი კიდევ, რომ შეცვალონ ვადები, კიდევ გაუგრძელებთ?“- იკითხა გიგა ბოკერიამ, რაზეც კაკულიამ უპასუხა რომ დარბაზში სხვადასხვა სახის „კოკა კოლაა“ წარმოდგენილი და ვინც აღელვებულია, შეუძლია დალიოს.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო