ყველა დამნაშავის ექსტრადირების პროცესზე მუშაობა გრძელდება, - ასე უპასუხა საქართველოს გენერალურმა პროკურორმა შალვა თადუმაძემ ჟურნალისტების კითხვას, მიხეილ სააკაშვილის საქართველოში ექსტრადირების თაობაზე გაიგზავნება თუ არა მორიგი მოთხოვნა უკრაინის პროკურატურაში.
როგორც თადუმაძემ ჟურნალისტებს განუცხადა, საექსტრადიციო პროცედურები მიმდინარეობს და არ იზიარებს მოსაზრებას, რომ რამდენჯერაც გაიგზავნა ექსტრადიციის მოთხოვნა, იმდენჯერ უარი მიიღო საქართველოს პროკურატურამ.
„არ დაგეთანხმებით, რომ რამდენჯერაც გაიგზავნა, იმდენჯერ უარი არ იყო. მიმდინარეობს საექსტრადიციო პროცედურები. ყველა დამნაშავესთან მიმართებაში აღნიშნული პროცედურები გაგრძელდება და დამნაშავე, რომელიც წარსდგება მართლმსაჯულების წინაშე ბუნებრივია, ის პასუხს აგებს“, - განაცხადა თადუმაძემ.