ბოლნისის პოლიციის ყოფილ დეტექტივ-გამომძიებელს პატიმრობა შეეფარდა
ბოლნისის პოლიციის განყოფილების ყოფილ დეტექტივ-გამომძიებელ კონსტანტინე ქოჩიშვილს აღკვეთის ღონისძიების სახედ პატიმრობა შეეფარდა. რუსთავის საქალაქო სასამართლოს მოსამართლე მადონა მაისურაძემ გადაწყვეტილება ცოტა ხნის წინ გამოაცხადა.
კონსტანტინე ქოჩიშვილს ბრალი სსკ-ის 1443 მუხლის ა, ბ და ზ პუნქტებით აქვს წაყენებული, რაც არასრულწლოვნის მიმართ დამამცირებელ და არაადამიანურ მოპყრობას გულისხმობს.
ადვოკატმა ჯაბა კოჭლამაზაშვილმა 30 ათასი ლარის ოდენობის გირაოს სანაცვლოდ გათავისუფლების შუამდგომლობა დააყენა, თუმცა მოსამართლემ არ დააკმაყოფილა დაცვის მხარის შუამდგომლობა და აღკვეთის ღონისძიების სახით კონსტანტინე ქოჩიშვილს პატიმრობა შეუფარდა.
მოსამართლემ სრულად დააკმაყოფილა ქვემო ქართლის საოლქო პროკურატურის შუამდგომლობა.
