ნათია თურნავას კი არა, არ მეგულება საქართველოში ადამიანი, რომელსაც გააჩნდა რაიმე და არ შეეწიროს ტერორისტი ხელისუფლებისთვის გარკვეული თანხა იმის შიშით, რომ მის გარშემო ყველაფერი მოისპობოდა, - ასე პასუხობს პარლამენტის ვიცე-სპიკერი გია ვოლსკი დეპუტატ თინა ბოკუჩავას მიერ გაკეთებული განცხადებას, რომლის მიხედვითაც, 2012 „ნაციონალური მოძრაობის“ ერთ-ერთი ყველაზე დიდი შემომწირველი ნათია თურნავა იყო.
გია ვოლსკის განცხადებით, მან ზუსტად არ იცის მართლა იყო თუ არა ნათია თურნავა ყოფილი ხელისუფლების შემწირველი, მაგრამ აღნიშნავს, რომ ხშირ შემთხვევაში მოქალაქეები ამას შიშის ნიადაგაზე ჩადიოდნენ.
„თურნავას კი არა, არ მეგულება საქართველოში ადამიანი, რომელსაც გააჩნია რაიმე და არ შეეწიროს ტერორისტი ხელისუფლებისთვის გარკვეული თანხა იმის შიშით, რომ ყველაფერი მის გარშემო მოისპობოდა. როგორც ადამიანური, ასევე პერსპექტივა ბიზნესის თუ სხვა განვითარებისთვის. აქედან გამომდინარეობს ჩემი ეს კომენატარიც, თუმცა ნამდვილად არ ვიცი აქვს თუ არა შესაწირი გაკეთებული ნათია თურნავას „ნაცმოძრაობისთვის“ და ზოგადად „ნაციონალური მოძრაობა“ ვერავის ვერ აიტანს, ვინც მათი დაქვემდებარებიდან ან გავლენის სფეროდან გავიდა. ბუნებრივია ეს არ ეხება ნათია თურნავას, ის საკმაოდ დამოუკიდებელი და პრინციპული ადამიანია“, - განაცხადა გია ვოლსკიმ.