ტექნიკურმა უნივერსიტეტმა ინტერნეტის მარშრუტიზაციისა და უსაფრთხოების მომავალი  პროტოკოლების შესახებ სემინარს უმასპინძლა

საქართველოს ტექნიკურ უნივერსიტეტში, Internet Society–Georgia-ს ორგანიზებით, ჩატარდა სემინარი IETF Day in Tbilisi, თემაზე: „ინტერნეტის მარშრუტიზაციის და უსაფრთხოების მომავალი პროტოკოლები“. ინფორმაციას ტექნიკური უნივერსიტეტი ავრცელებს.

ტექნიკური უნივერსიტეტის ინფორმატიკისა და მართვის სისტემების ფაკულტეტის სტუდენტებისა და პროფესორ-მასწავლებლები გაეცნენ საკითხებს, რომლებიც ეხებოდა პროტოკოლების განვითარების ტენდენციებს, მათ შემუშავებას, დანერგვის მიზნებს და ძლიერ თუ სუსტ მხარეებს.

სემინარს უძღვებოდნენ ტექნიკური უნივერსიტეტის ინფორმატიკისა და მართვის სისტემების ფაკულტეტის სამაგისტრო პროგრამების კურსდამთავრებულები, სატელეკომუნიკაციო ქსელების არქიტექტორი მიხეილ ქართველიშვილი და IT უსაფრთხოების სისტემების არქიტექტორი, კომპანია UGT-ის ინფორმაციული უსაფრთხოების მიმართულების ხელმძღვანელი ვატო ჩანტლაძე.

მიხეილ ქართველიშვილმა მარშრუტიზაციის პროტოკოლების განვითარების თანამედროვე ტენდენციებზე ისაუბრა და პროტოკოლებში შესატანი ის ცვლილებები მიმოიხილა, რაც უზრუნველყოფს უსაფრთხოების გაუმჯობესებას და ოპერირების ოპტიმიზაციას ინტრა- და ინტერ-დომენური მარშრუტიზაციისთვის. მან სტუდენტებს ასევე გააცნო მარშრუტიზაციის სრულიად ახალი unicast და multicast პროტოკოლები, რომელთა დანერგვა საქართველოში უახლოეს რამდენიმე წელიწადშია მოსალოდნელი.

ვატო ჩანტლაძემ კი, თანამედროვე უსაფრთხოების პროტოკოლების ის ნიმუშები წარმოადგინა, რომლებიც დამუშავების პროცესშია. ასევე, განიხილა ისეთი მნიშვნელოვანი საკითხები, როგორიცაა უსაფრთხოება ქსელური ტექნოლოგიების სხვადასხვა არქიტექტურულ დონეზე, DDoS შეტევების კლასიფიკაციის ექსპერიმენტული პროტოკოლი და World Wide Web-ის მორიგი ვერსიის ახალი სტანდარტი.

სემინარის ჩატარებას ორგანიზება გაუწია გლობალური არასამთავრობო ორგანიზაცია The Internet Society-ს საქართველოს წარმომადგენლობამ, Internet Society–Georgia-მ. აღნიშნული გლობალური ორგანიზაციის მიზანი მსოფლიო მასშტაბით თავისუფალი და სანდო ინტერნეტის გავრცელებაა. ის კურირებს IETF-ის (Internet Engineering Task Force) საქმიანობას, რომელიც საერთაშორისო სტანდარტიზაციის ორგანიზაციაა და თავის მხრივ, ინტერნეტის სტანდარტების შემუშავება-გავრცელებასა და RFC-ს ფორმით გამოქვეყნებას უზრუნველყოფს.

რამაზ საყვარელიძე - არცერთ კვლევაში პატარა პარტიებისკენ არ მიდის ხმები, რადგან ჯერ ისევ „ნაციონალების“ და მისი ვარიაციების მიღება-არმიღებაა მწვავე საკითხი
ქართული პრესის მიმოხილვა 06.08.2020
გიორგი პერტაია - სავაჭრო პალატა მეწარმეებს ბიზნესის მხარდამჭერ ყველა პროგრამას ერთ ონლაინ პლატფორმაზე სთავაზობს
ბიზნესოპერაციები მობილური ტელეფონით - ტერაბანკის მობაილბანკი ბიზნესისთვის
ბუნებრივი რესურსების საკონსულტაციო მომსახურება - კოლიერსის და MMS-ის ერთობლივი პროდუქტი
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა