ზვიად კვაჭანტირაძე პროტესტის ნიშნად პარლამენტის სხდომის დატოვებით იმუქრება

პარლამენტის დამოუკიდებელი დეპუტატი ზვიად კვაჭანტირაძე პროტესტის ნიშნად პარლამენტის სხდომის დატოვებას აპირებს, იმ შემთხვევაში, თუ დამოუკიდებელ დეპუტატებს კითხვის დასმისთვის დრო არ გაეზრდებათ. როგორც კვაჭანტირაძემ აღნიშნა, დისკრიმინაციულია ის გადაწყვეტილება, რომლითაც წუთნახევარი განისაზღვრა დამოუკიდებელ დეპუტატებთან მიმართებაში კითხვის დასმის დრო. ამასთან, კვაჭანტირაძემ მოუწოდა კოლეგებს, რომ თუ არ შეიცვლება ეს გადაწყვეტილება სხდომა მათაც პროტესტის ნიშნად დატოვონ.

„მინდა გითხრათ, რომ წუთნახევარი, რომელიც ბიურომ აბსოლუტურად დისკრიმინაციულად გამოგვიყო პარლამენტის დამოუკიდებელ წევრებს, ჩემთვის აბსოლუტურად მიუღებელია. მე მოგიწოდებთ, რომ შეცვალოთ, რაც აქ ჩაწერეთ და მიიღეთ, თორემ პროტესტის ნიშნად დავტოვებ პარლამენტის სხდომას დღეს და მოვუწოდებ ჩემს კოლეგებსაც, დატოვონ პარლამენტის სხდომა თუ არ შეასწორებთ დისკრიმინაციულ გადაწყვეტილებას, რომელიც მიიღეთ დამოუკიდებელი დეპუტატების მიმართ“, - განაცხადა ზვიად კვაჭანტირაძემ.

დღევანდელ პლენარულ სხდომაზე ინტერპელაციის წესით მოსმენა გაიმართება. ინტერპელაციის წესით გაგზავნილ კითხვებზე პასუხის გასაცემად პარლამენტში მიწვეულია: პრემიერ-მინისტრი მამუკა ბახტაძე, ჯანდაცვის მინისტრი დავით სერგეენკო და ცესკოს თავმჯდომარე თამარ ჟვანია.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 05.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა