გიგა ბოკერია პრემიერს - ზღვარზე ვიყავით, რომ თქვენი აქ მობრძანება ჩაგვეშალა

ბატონო პრემიერ-მინისტრო, მე აღშფოთებული ვიქნებოდი თქვენს ადგილას სპიკერის საქციელით. ზღვარზე ვიყავით, რომ თქვენი აქ მობრძანება ჩაგვეშალა, - ასე მიმართა პარლამენტის პლენარულ სხდომაზე „ევროპული საქართველოს“ ერთ-ერთმა ლიდერმა გიგა ბოკერიამ პრემიერ-მინისტრს მამუკა ბახტაძეს, რომელიც საკანონმდებლო ორგანოში ინტერპელაციის წესით იმყოფება. გიგა ბოკერია ამით ინტერპელაციასთან დაკავშირებულ პროცედურას და ბიუროს მიერ დამტკიცებულ გამომსვლელთა გრაფიკს გამოეხმაურა.

რაც შეეხება კითხვას, გიგა ბოკერიამ პრემიერ-მინისტრს „თიბისი ბანკთან“ დაკავშირებით დაუსვა კითხვა და მამუკა ბახტაძეს მიმართა, ფიქრობს თუ არა ბახტაძე, რომ ბანკთან დაკავშირებით ივანიშვილისა და პროკურატურის ქმედებები საქართველოს ეკონომიკას აზიანებს.

„თიბისი ბანკთან” დაკავშირებით თქვენი პასუხი წავიკითხე და აქ არის ასეთი შენიშვნა: „ამ კითხვით კიდევ ერთხელ ხორციელდება სპეკულაციები “თიბისი ბანკთან” დაკავშირებით“.

მინდა, რომ ერთხელ მაინც გაბედოთ და მკაფიოდ გვიპასუხოთ! ბიძინა ივანიშვილის გამობრძანება, როდესაც მან საჯაროდ სამიზნედ ამოიღო "თიბისი ბანკის" ხელმძღვანელები, რასაც შემდეგ მოჰყვა უკვე ჰაკერული შეტევები, (დღემდე გამოუძიებელია ეს საქმე, აგერ ჩვენ მეზობლად არის მისამართი, საიდანაც განხორციელდა შეტევა და დღემდე პასუხი არ გვაქვს.) რასაც, შემდეგ მოჰყვა უკვე პროკურატურიდან საოცარი უტიფრობა, ბრალი არ ჰქონდათ წაყენებული არავისთვის, ისე გაასაჯაროვეს და ფულის გათეთრება უწოდეს ამას. ამაზე გამეცით პასუხი: არის თუ არა ეს სპეკულაცია თუ ეს არის კანონის უზენაესობის მიზანმიმართული დარღვევა და ინსტიტუტების პოლიტიკურად გამოყენება? აზიანებს თუ არა ჩვენს ეკონომიკას ივანიშვილის და პროკურატურის ასეთი საქციელი?!“,-მიმართა პრემიერ- მინისტრს გიგა ბოკერიამ.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 05.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
მარტივი, უსაფრთხო და მოქნილი Apple Pay ციფრული საფულე პროკრედიტ ბანკის მომხმარებლებისთვის!
HR ბიზნეს სამიტი HR hub-ის ორგანიზებითა და PSP დაზღვევის მხარდაჭერით წარმატებით ჩატარდა
"მეამას" შენობა მსოფლიოში საუკეთესო სამუშაო სივრცედ დასახელდა