ლევან გოგიჩაიშვილმა და გედევან ფოფხაძემ პარლამენტის სხდომათა დარბაზი პროტესტის ნიშნად დატოვეს

დამოუკიდებელმა დეპუტატებმა ლევან გოგიჩაიშვილმა და გედევან ფოფხაძემ პარლამენტის სხდომათა დარბაზი, სადაც ინტერპელაციის წესით პრემიერ-მინისტრის მოსმენა მიმდინარეობს, პროტესტის ნიშნად დატოვეს.

როგორც „ინტერპრესნიუსს“ ლევან გოგიჩაიშვილმა განუცხადა, ქვეყნის პრემიერ-მინისტრი არ საუბრობს იმ რეალურ გამოწვევებზე, რომელიც ქვეყნის მოსახლეობას აწუხებს.

მისივე შეფასებით, დღევანდელი გამოსვლა სადღეგრძელოებს გავს.

„პრემიერ-მინისტრი არ სცემს მნიშვნელოვან შეკითხვებს პასუხს. ერთია ინტერპელაცია, მაგრამ მეორეა ის საკითხები, რომელიც აწუხებს ჩვენს ქვეყანას და თითოეულ მოქალაქეს. ეს იქნება: დავით გარეჯის საკითხი, აზარტულ თამაშებთან დაკავშირებით არსებული მდგომარეობა, ლარის კურსი თუ სხვა. პრემიერ-მინისტრმა არ გამცა კითხვებზე პასუხი, თუმცა ამით არა ლევან გოგიჩაიშვილს, არამედ არ უპასუხა საბურთალოს ამომრჩეველს, რომლის ოლქის წარმომადგენელიც გახლავართ. თავიდანვე დავტოვებდი სხდომას, თუმცა მაინც საჭიროდ ჩავთვალე გამომეყენებინა ჩემს ხელთ არსებული წუთნახევარი“, - განაცხადა ლევან გოგიჩაიშვილმა.

იხილეთ ვიდეო