ირმა ინაშვილი მთავრობას - მართლა სირცხვილი არ არის, რომ სკოლებში „ნისიების“ რვეული არსებობდეს და ბავშვებს ფუნთუშა ენატრებოდეთ?

პრემიერს მინდა მივმართო, შექმენით სახელმწიფო კომისია, შემიყვანეთ მე და ჩემი კოლეგები, ვისაც ამის სურვილი აქვს, დავიწყოთ რეალური მუშაობა ქვეყანაში სიღარიბის დასაძლევად. ბავშვები ვიხსნათ შიმშილისაგან, ეს არის უმნიშვნელოვანესი. მოგიწოდებთ, რეალურად ვიმუშაოთ თუ გვინდა ქვეყანას დავეხმაროთ თუ არადა, აქ ლაყაფისთვის არ ვსხედვართ,-ასე მიმართა „პატრიოტთა ალიანსის“ ერთ-ერთმა ლიდერმა ირმა ინაშვილმა პარლამენტის პლენარულ სესიაზე პრემიერ-მინისტრს მამუკა ბახტაძეს, რომელიც პარლამენტში ინტერპელაციის წესით არის დაბარებული.

ამასთან, ირმა ინაშვილმა რეგლამენტით გათვალისწინებული პროცედურები გააკტრიტიკა და აღნიშნა, რომ ინტერპელაცია, რომელიც არის ძალიან კარგი ფორმატი, პარლამენტმა არ უნდა გააუფასუროს.

„ძალიან მნიშვნელოვანია, რომ ამ ფორმატის სიკეთე შევინარჩუნოთ, მაგრამ ის რეჟიმი, რომელიც აქ არის წარმოდგენილი, არის მართლა სამარცხვინო. ეს არის გაკეთებული იმისთვის, რომ ჩატარდა ინტერპელაცია, მოვიდა პრემიერი და დავიშალეთ. დღეს რა მივიღეთ ჩვენ და რა ინფორმაცია მიიღო ხალხმა? პარლამენტში პრემიერს ვიწვეთ და მერე აქედან არ რჩება არაფერი და რჩება ჰაერი. მე მგონი, ბატონო პრემიერო, თქვენც უნდა გადახედოთ თქვენს დღის წესრიგს და სხვა დროს, როდესაც ასეთი ტიპის შეკითხვები შემოგივათ, თქვენ შეგიძლიათ წერილობით გასცეთ პასუხი, რადგან ქვეყნის წინაშე უამრავი გამოწვევა დგას.

აქ არის სიღარიბის პრობლემა, ბავშვები შიმშილით გვეხოცება და ვერ გავიგე მთელი მთავრობა და პარლამენტი აქ ვსხედვართ და მართლა სირცხვილი არ არის, რომ სკოლებში "ნისიების“ რვეული არსებობდეს და ბავშვებს ფუნთუშა ენატრებოდეთ? ასეთი მნიშვნელოვანი საკითხები გვაქვს და ვერ გავიგე ქალბატნო თამარ (ჩუგოშვილი), კროსია თუ რა არის?! ორ წუთში, სამ წუთში ჩატევა. შეურაცხმყოფელია ასეთი რეჟიმი, როგორც პრემიერისთვის, ისე პარლამენტისთვის. ამიტომ ისევ თქვენ მოგიწევთ ამ სქემის შეცვლა თუ არ გვინდა, რომ ინტერპელაციის ფორმატს დაეკარგოს მნიშვნელობა, გაცვდება ეს ყველაფერი და მერე აზრს დაკარგავს. მოგიწოდებთ, რომ ამ თვალთმაქცობას დავანებოთ თავი. რეალური ბერკეტები გამოვიყენოთ“,-განაცხადა ინაშვილმა.

ლევან დოლიძე - ახლა განსაკუთრებით მნიშვნელოვანია აქტიურობა და ყველა იმ ინიციატიის განხილვა, რაც ჩვენი უსაფრთხოების გაძლიერების ახალ და ეფექტიან მექანიზმებს შექმნის
ქართული პრესის მიმოხილვა 26.11.2020
ზაალ ანჯაფარიძე - შესაძლოა, დასავლეთს არ ეპიტნავებოდეს „ქართული ოცნება,“ მაგრამ მან დაამტკიცა, რომ შეუძლია პარტნიორობაც და სტაბილურობის უზრუნველყოფაც, რაც დასავლეთისთვის პრიორიტეტულია
უსაფრთხოებაზე გამავალი ერთობა: მოსაზრებები, შესაძლებლობები, შეთავაზებები
სილქფესტი ფასდაკლებების კვირეულს ხუთი ყველაზე მოთხოვნადი შეთავაზებით უერთდება
Wolt-ის ლურჯი პარასკევი დაიწყო
ახალი Economy და Isolated კატეგორიები Bolt-ის აპლიკაციაში
ექსპოჯორჯია აგრო ექსპორტის ფორუმს ონლაინ, B2B ფორმატში გამართავს
„9 შავი პარასკევი“ ექსტრაზე Mastercard-ისგან