მამუკა მდინარაძე ოპოზიციას - ვიღაცას ხელფასი რომ ეზრდება ამაზე როგორ ლაპარაკობთ? რას ვსაყვედურობთ მთავრობას, რატომ გაუზარდა პოლიციელს ხელფასი?!

ვიღაცას ხელფასი რომ ეზრდება ამაზე როგორ ლაპარაკობთ? ცუდია ეს? რას ვსაყვედურობთ ახლა მთავრობას, რატომ გაუზარდა პოლიციელს ხელფასი?! - ასე მიმართა ოპოზიციონერ დეპუტატებს ფრაქცია „ქართული ოცნების“ თავმჯდომარემ მამუკა მდინარაძემ პარლამენტის პლენარულ სხდომაზე, სადაც პრემიერ-მინისტრს მამუკა ბახტაძეს ინტერპელაციის წესით უსმენენ. როგორც მდინარაძემ აღნიშნა, ოპოზიციას ერთხელ თქმა და მინიშნება არ ყოფნის იმისთვის, რომ ჭეშმარიტება დაინახოს და გაიგოს.

მდინარაძემ პრემიერსაც მიმართა და აღნიშნა, რომ არ კმარა ოპოზიციის ზოგიერთი წარმომადგენლისთვის მხოლოდ ერთხელ თქმა და მინიშნება, რომ წაიკითხონ კონკრეტული მონაცემები.

„ბატონო მამუკა! ამ ხალხთან ერთხელ თქმა და შემდეგ მინიშნება, რომ წაიკითხონ არ კმარა!. ერთხელ და ორჯერ ნათქვამი კი არა, რაც იციან მთელი ცხოვრების განმავლობაში იმასაც უკუღმა ლაპარაკობენ. მივუთითებ ბატონ ირაკლის. თუ მშპ-სთან დაკავშირებით, ითვლით ერთი ადამიანის ხელფასს და იქაც სპეკულირებთ და იქაც იტყუებით, 25 და 30%-იან შემცირებაზე, მშპ-თან მიმართებაში რატომ არ ითვლით და იგივე ლოგიკას არ მიყვებით მთლიან თანხასთან დაკავშირებით. 2012 წელს საერთოდ არ იყო შესაძლებელი რაიმე ციფრზე გველაპარაკა, იმიტომ რომ არ იყო ამის აღრიცხვა. დღეს შეგვიძლია ვთქვათ მხოლოდ და მხოლოდ 2013 წლიდან. 2013-ში ხელფასები მთლიან შიდა პროდუქთან იყო 5.6% დღეს არის 4.5%. შტატიანი თანამშრომლების ხელფასები იყო 5.2%, დღეს არის 3.9%. 2013 წელს 17.4% იყო შტატგარეშე თანამშრომლების ჩათვლით, ხელფასები მშპ-თან მიმართებით, დღეს არის 13.5%. აქვე დავაზუსტებ, რომ შტატიანი თანამშრომლების ხელფასები იყო 15.8% დღეს არის 11.7%. ეს არის სიმართლე, რომელიც თქვენ არ გაინტერესებთ. თქვენ და ნებისმიერი პარლამენტარი საყვედურებს უნდა იძახდეთ იმაზე, ვიღაცებს რომ არ ეზრდებათ ხელფასი. ვიღაცას ხელფასი რომ ეზრდება ამაზე როგორ ლაპარაკობთ? ცუდია ეს? რას ვსაყვედურობთ ახლა მთავრობას, რატომ გაუზარდა პოლიციელს ხელფასი?! რატომ უზრდის მასწავლებელს ხელფასს?! კიდევ გაეზრდება. მე გეუბნებით, რომ საჯარო მოსამსახურეებს კიდევ გაეზრდებათ ხელფასი და მალე უნდა მივიდეთ იქამდე, რომ ღირსეული ხელფასები ჰქონდეთ საჯარო მოხელეებს და არ იხედებოდეს ის ხალხი კერძო სექტორისკენ“, - განაცხადა მამუკა მდინარაძემ.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო