ვეღარ გაუძლო ხელისუფლებამ იმ წნეხს, რასაც ყოველდღიურ რეჟიმში ჩვენ მეგობრების და საერთაშორისო პარტნიორების მეშვეობით ვახორციელებდით, - ასე შეაფასა „ნაციონალური მოძრაობის“ ერთ-ერთმა ლიდერმა ნიკა მელიამ დავით კირკიტაძის პატიმრობიდან გათავისუფლება.

როგორც მელიამ აღნიშნა, კირკიტაძის მიმართ ხორციელდებოდა შემთხვევითი სამართალი და ის პოლიტიკური პატიმარი იყო.

„ხელისუფლებას მივუთითებდით, რომ დავით კირკიტაძის საქმე არის კლასიკური შერჩევითი მართლმსაჯულება. თუკი სადმე არის დისპროპორციული სასჯელი, არის ამ საქმეზე“, - განაცხადა მელიამ.

„ნაციონალური მოძრაობის“ წევრი, დავით კირკიტაძე საპროცესო გარიგების შედეგად პატიმრობიდან გათავისუფლდა. მოსამართლემ მას ორწლიანი პირობითი სასჯელი დააკისრა.