გიორგი გახარია პოლიციელებს - ჩემთვის უდიდესი ღირსებაა ვემსახურო საქართველოს თქვენთან ერთად

გილოცავთ პოლიციის დღეს. ჩემთვის უდიდესი ღირსებაა ვემსახურო საქართველოს თქვენთან ერთად, - ამის შესახებ შინაგან საქმეთა მინისტრმა, გიორგი გახარიამ პოლიციის დღისადმი მიძღვნილ ღონისძიებაზე სიტყვით გამოსვლისას განაცხადა.

ღონისძიებაზე დაღუპული პოლიციელების ხსოვნას წუთიერი დუმილით პატივი მიაგეს. როგორც გახარიამ განაცხადა, დღეს პოლიციელები თავიანთ დღეს ასმეერთედ აღნიშნავენ.

„ძვირფასო პოლიციელებო, ჩვენ დღეს ზუსტად ვიცით, სად ვართ და ზუსტად ვიცით, რა გეგმები გვაქვს და სად მივდივართ. სწორედ, ამ გეგმებიდან გამომდინარე, ჩვენ ჩვენს მიმდინარე რეფორმებს სისტემური განახლება დავარქვით. სწორედ განახლება, რათა შევინარჩუნოთ ყველაფერი კარგი, რაც იყო ჩვენს წარსულში და სიახლეებით და რეფორმებით ვუპასუხოთ იმ თანამედროვე გამოწვევებს, რომლის წინაშეც ვდგავართ.

ჩვენი მიზანია ეფექტური და პოლიტიკურად ნეიტრალური პოლიცია. ეს არის ძირითადი, რასაც ჩვენ უნდა მივაღწიოთ და რა თქმა უნდა, ჩვენი მიზანია, ვიყოთ ეფექტურები, შედეგიანები და წარმატებულები მხოლოდ და მხოლოდ ისე, რომ შევინარჩუნოთ ადამიანის ღირსება და ადამიანის უფლება. ეს არის ჩვენი უდიდესი მიზანი, რომელსაც ყველამ ერთად უნდა მივაღწიოთ.

ბატონო პოლიციელებო, ბატონო მეხანძრე-მაშველებო, ბატონო მესაზღვრეებო და ვინც ემსახურებით შინაგან საქმეთა სამინისტროს, თქვენი მსახურება დღეს არის უდიდესი პასუხისმგებლობა და არ არსებობს იმაზე ღირსეული მსახურება, ემსახურო შენი მოქალაქის ჯანმრთელობას, სიცოცხლეს და იყო შენი ქვეყნის სიმშვიდის სადარაჯოზე. ბატონებო, კიდევ ერთხელ გილოცავთ პოლიციის დღეს. ჩემთვის უდიდესი ღირსებაა ვემსახურო საქართველოს თქვენთან ერთად“, - განაცხადა გახარიამ.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 12.08.2020
სევრის ხელშეკრულების 100 წლისთავი
ამერიკული სტეიკების ფესტივალი ბათუმში
“დიდი სიყვარულის დასაწყისი” - Wolt ქუთაისშია!
„მოედანი“ - პროექტი, რომელიც ავლაბარს ახალ სიცოცხლეს შესძენს
ამერიკული სტეიკის მასტერკლასი ბათუმში