ჩვენ ჩვენი ქმედებით, ნაბიჯებით ვადასტურებთ, გარანტია ამ ქვეყანაში არავის არ ექნება, თუ ის კანონს დაარღვევს. ამავე დროს უდანაშაულობის პრეზუმფცია არსებობს, შესაბამისად არსებობს საგამოძიებო პროცესი, ჩვენი ვალდებულებაა, რომ კორუფციასთან ბრძოლა იყოს მუდმივი პროცესი,-ამის შესახებ პრემიერ-მინისტრმა მამუკა ბახტაძემ ბათუმში მოქმედი და ყოფილი მაღალჩინოსნების დაკავებასთან დაკავშირებით განაცხადა.
ბახტაძის თქმით, კანონი არის უზენაესი და მნიშვნელობა არ აქვს მოხელე რომელ პოლიტიკურ გუნდშია, თუ ის კანონს დაარღვევს, შესაბამისად მკაცრად აგებს პასუხს.
"რა თქმა უნდა, როდესაც ჩვენ ვსაუბრობთ უდანაშაულობის პრეზუმფციაზე, ჩვენ უნდა დაველოდოთ მოვლენების განვითარებას, მაგრამ საქმე ეხება ძალიან მძიმე დანაშაულს, ძალიან დიდ თანხაზეა საუბარი. მე რასაც გპირდებით, არის ის, რომ გამოძიება წარიმართება გამჭვირვალედ, საზოგადებას ყოველთვის დეტალურად მიეწოდება ინფორმაცია. კორუფციასთან ბრძოლა, ეს არის მუდმივი პროცესი. ამასწინათ მკითხეს, კორუფციასთან დაკავშირებით სტატისტიკა გაზრდილიაო, სტატისტიკა კიდევ უფრო გაიზრდება, თუ ვიღაცას ხელი წასცდება",-განაცხადა მამუკა ბახტაძემ.