ცეკსო-ს თავმჯდომარის თამარ ჟვანიას შეფასებით, ინტერპელაციის ფარგლებში დასმულ კითხვას ზუსტი და სწორი პასუხი გაეცა ცენტრალური საარჩევნო კომისიის მხრიდან. რაც შეეხება დებატების დროს დასმულ კითხვებს და საკითხებს, ბევრი მათგანი რეგლამენტს და ინტერპელაციის წესს საერთოდ სცდებოდა.

"ამ საკითხებზეც ზოგად კონტექსტში, რა თქმა უნდა, პასუხები გავეცით. საარჩევნო ადმინისტრაციამ ძალიან მაღალ დონეზე ჩაატარა ბოლო რამდენიმე არჩევნები და ეს აღნიშნულია საერთაშორისო სადამკვირვებლო მისიების ანგარიშებში. დადასტურებულია იმ ნდობის რეიტინგით, რომელიც საერთაშორისო ორგანიზაციების კვლევებში ჩანს და იმ შვიდი ჯილდოთი, რომელიც 2013 წლიდან 2019 წლის პერიოდში საარჩევნო ადმინისტრაციამ მიიღო. ჩვენ ყველაფერს გავაკეთებთ, რომ ჩვენ მოვემსახუროთ ხალხს ისე, როგორც აქამდე - მათ ნება და მათი ხმა იყოს დაცული",-განაცხადა თამარ ჟვანიამ.