ნათია თურნავა ტექნოპარკში თანადაფინანსების 100 000-ლარიანი გრანტების პროგრამის ღონისძიებას დაესწრო

თანადაფინანსების 100 000-ლარიანი გრანტების პროგრამა ეკონომიკისა და მდგრადი განვითარების სამინისტროს ინოვაციებისა და ტექნოლოგიების სააგენტომ დღეს მესამედ გამოაცხადა.

ეკონომიკისა და მსგრადი განვითარების სამინისტროს ინფორმაციით, ტექნოპარკში გამართულ ღონისძიებას საქართველოს ეკონომიკისა და მდგრადი განვითარების მინისტრი ნათია თურნავა მსოფლიო ბანკის სამხრეთ კავკასიის რეგიონული დირექტორთან, მერსი ტემბონთან ერთად დაესწრო.

მისასალმებელ სიტყვაში ნათია თურნავამ ხაზი გაუსვა პროგრამის განსაკუთრებულ მნიშვნელობას და სახელმწიფოს ხედვას ინოვაციური პროექტების განვითარების კუთხით.

„ეს პროგრამა, თავისი დიზაინით, მორგებულია ინიციატივიანი ადამიანების გამოვლენაზე, რომლებიც მზად არიან, გასცდნენ საქართველოს საზღვრებს, განავითარონ თავისი იდეები და ასახელონ საქართველო გლობალურ ბაზარზე. ისინი ასევე მზად არიან, თვითონაც მცირე კონტრიბუცია გაიღონ, სახელმწიფო კი, თავის მხრივ, მზად არის, გაცილებით მეტი ფინანსური კონტრიბუცია გააკეთოს“ , - აღნიშნა მინისტრმა სიტყვით გამოსვლისას.

ნათია თურნავამ მსოფლიო ბანკს საქართველოს მიმართ წლების განმავლობაში გამოვლენილი მყარი მხარდაჭერისთვის და კონკრეტულად მერსი ტემბონს მისი პირადი კონტრიბუციისთვის განსაკუთრებული მადლობა გადაუხადა.

მინისტრის თქმით, წლებია, რაც მსოფლიო ბანკი მხარში გვიდგას სხვადასხვა სტრუქტურული, ეკონომიკური, სოციალური რეფორმების განხორციელებისას, მათ შორის არის ინოვაციური ეკოსისტემების განვითარების პროექტი, რომლის ფარგლებშიც მესამედ ცხადდება თანადაფინანსების 100 000-ლარიანი გრანტების პროგრამა.

თანადაფინანსების გრანტები წარმოადგენს დაფინანსების ერთ-ერთ ყველაზე გავრცელებულ ინსტრუმენტს, რომელიც ინოვაციის მხარდასაჭერად გამოიყენება როგორც განვითარებული, ისე განვითარებადი ეკონომიკის მქონე ქვეყნებში. GENIE პროექტის ფარგლებში გათვალისწინებულია თანადაფინანსების გრანტები სტარტაპებისთვის, რომელიც განკუთვნილია დამწყები/ორ წლამდე კერძო, მცირე საწარმოებისთვის. საგრანტო კონკურსის ფარგლებში მოთხოვნილი გრანტის მაქსიმალური ოდენობა ასი ათას ლარს არ უნდა აღემატებოდეს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო