დარწმუნებული ვარ, აზერბაიჯანელ მეგობრებთან ერთად საუკეთესო გამოსავლის ნახვას შევძლებთ,- ამის შესახებ პარლამენტის თავმჯდომარე ირაკლი კობახიძემ ჟურნალისტებს განუცხადა, რითაც გამოეხმაურა დავით გარეჯში განვითარებულ მოვლენებს.

კობახიძის ინფორმაციით, ივნისში დაგეგმილია მისი აზერბაიჯანში ვიზიტი და ეს საკითხი იქაც განიხილება. "რა თქმა უნდა გასაგრძელებელია კონსულტაციები. ივნისის მესამე კვირაში ოფიციალური ვიზიტი მაქვს აზერბაიჯანში და იქაც, ბუნებრივია, განიხილება ეს საკითხი. დარწმუნებული ვარ, რომ საბოლოო ჯამში, აზერბაიჯანელ მეგობრებთან ერთად საუკეთესო გამოსავლის ნახვას შევძლებთ. არაფერი არ არის ისეთი, რაზეც არ შეიძლება მოლაპარაკება. მთავარია, სრული ძალისხმევა ჩავდოთ ამ პროცესში,"- განაცხადა კობახიძემ.