მეუფე დანიელი - ხელისუფლება მოწოდებულია, რომ ხალხის სამსახურში იყოს-მადლობა სალომე ზურაბიშვილს, იგივე ნინოს, ბატონ მამუკას, ბატონ ირაკლის, ასევე, ქვეყნის პოლიტიკურ ლიდერს ივანიშვილს

"ხელისუფლება მოწოდებულია, რომ ხალხის სამსახურში იყოს და ეს არის სრულიად საქართველოს მოსახლეობის დიდი უმრავლესობის ნება, რომ ეს დღესასწაულები ასე აღენიშნებოდეს", - ამის შესახებ ჭიათურისა და საჩხერის მიტროპოლიტმა, მეუფე დანიელმა ფოკის მამათა მონასტერში, ქადაგებისას განაცხადა.

მან დღესასწაულების ღირსეულად აღნიშვნისთვის მადლობა გადაუხადა როგორც პრემიერ-მინისტრ მამუკა ბახტაძეს, ისე პრეზიდენტ სალომე ზურაბიშვილს, პარლამენტის თავმჯდომარე ირაკლი კობახიძეს და „ქართული ოცნების“ ლიდერს ბიძინა ივანიშვილს.

„ჩვენი ერი, ჩვენი ბერი, ჩვენი სასულიერო და საერო ხელისუფლება, სულ უფრო და უფრო ამთლიანებს თავის ღვაწლს. სამშობლოს, ქვეყნის, ხალხის წინაშე და ბოლოს ვიტყვი, რომ ჩვენმა ხელისუფლებამ, აღასრულა ხალხის ნება. ხელისუფლება მოწოდებულია, რომ ხალხის სამსახურში იყოს და ეს არის სრულიად საქართველოს მოსახლეობის დიდი უმრავლესობის ნება, რომ ეს დღესასწაულები ასე აღენიშნებოდეს. მადლობა ღმერთს ამ წყალობისათვის, მადლობა მის უწმინდესობას, ჩვენს წმინდა სინოდის მღვდელმთავრებს, სამღვდელო და სამონაზვნო წესს და ჩვენს ხელისუფლებას. მადლობა სალომე ზურაბიშვილს, იგივე ნინოს, ბატონ მამუკას, ბატონ ირაკლის, პარლამენტის თავმჯდომარეს და ასევე, მადლობას ვწირავთ ამ ქვეყნის პოლიტიკურ ლიდერს, ბატონ ბიძინა ივანიშვილს, რომელმაც დიდი მონდომება გამოხატა იმისთვის, რომ ეს დღესასწაულები და ეს დღეები ყოფილიყო ღირსეულად აღნიშნული", - განაცხადა მეუფემ.

მისივე თქმით, მამუკა ბახტაძემ, საქართველოს ღვთისმშობლისადმი წილხვდომილობის დღესასწაულის სახელმწიფო დონეზე აყვანის საქმეში დიდი როლი შეასრულა.

"მე მინდა ხაზგასმით აღვნიშნო, საქართველოს პრემიერ-მინისტრის, ბატონი მამუკა ბახტაძის ღვაწლი არა მარტო ამ დღესასწაულის აღნიშვნაში, არამედ საერთოდ, წლევანდელ წელს, ყოვლადწმინდა ღვთისმშობლის წილხვდომილობის აღნიშვნასთან დაკავშირებით. საქართველოს ღვთისმშობლისადმი წილხვდომილობის დღესასწაულის ასეთ მხარდაჭერაში, მისი სახელმწიფო დონეზე აყვანის საქმეში, მან დიდი როლი შეასრულა და უმნიშვნელოვანესი საეკლესიო დღესასწაული გამოაცხადა ეროვნულ დღესასწაულად. მიანიჭა სახელმწიფოებრივი სტატუსი, რაც იმას ნიშნავს, რომ ეს ისტორია, ეს კულტურა, იყო გადამრჩენელი ჩვენი ქვეყნისა, ჩვენი სახელმწიფოსი და ამით განაცხადა ჩვენმა ხელისუფლებამ, რომ დღევანდელი დღე არ არის მხოლოდ აღმსარებლობითი ჩვენი ქვეყნისთვის. იგი სახელმწიფო ღირებულებაა", - აღნიშნა მეუფემ.

ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
ქართული პრესის მიმოხილვა 22.01.2021
არჩილ მორჩილაძე - ბიუჯეტის ხარჯზე მედიკამენტების ხარჯების ანაზღაურებას სახელმწიფოს მიერ დასაქმებული ადამიანები და მათი ოჯახის წევრები, 250 000-ზე მეტი ადამიანი იღებს, როცა უამრავი სოციალურად დაუცველი ამ დაფარვის მიღმაა დარჩენილი
რა გეგმები აქვს ქუთაისის საერთაშორისო უნივერსიტეტს და რა პროგრამებს სთავაზობს სტუდენტებს? - ინტერვიუ უნივერსიტეტის კანცლერ მაგდა მაღრაძესთან
დეველოპერული კომპანია „ბლოქსი“ ქალაქ ზუგდიდში მულტიფუნქციური სავაჭრო ცენტრის მშენებლობას იწყებს
ევროკავშირის და FAO-ს მხარდაჭერით ქართველი ფერმერები შემოსავლებს და წარმოებას ზრდიან