მამუკა ბახტაძე ზემო იმერეთი-ონის დამაკავშირებელი გზის სამშენებლო სამუშაოების მიმდინარეობას გაეცნო

საქართველოს პრემიერ-მინისტრი მამუკა ბახტაძე ზემო იმერეთი-ონის დამაკავშირებელი გზის სამშენებლო სამუშაოების მიმდინარეობის პროცესს გაეცნო.

როგორც „ინტერპრესნიუსს“ საქართველოს მთავრობის ადმინისტრაციიდან აცნობეს, მთავრობის მეთაურმა ხაზი გაუსვა პროექტის მნიშვნელობას რაჭა-ლეჩხუმის რეგიონის განვითარებისთვის, ისევე, როგორც სოციალურ-ეკონომიკური და დემოგრაფიული თვალსაზრისით და აღნიშნა, რომ სამთავრობო პროგრამის თანახმად, 2022 წლამდე ყველა მსხვილი ინფრასტრუქტურული პროექტი უნდა დასრულდეს.

ზემო იმერეთი-ონის დამაკავშირებელი გზა 52 კილომეტრამდე სიგრძის იქნება. გზა საჩხერიდან იწყება, 7 სოფელს გაივლის და ამბროლაური-ონის გზას შეუერთდება, რომელიც ამბროლაურიდან 20 კმ-ის, ხოლო ონიდან 5 კმ-ის მანძილზე მდებარეობს. ახალი გზა საჩხერე-ონის მარშრუტზე მგზავრობას, სულ მცირე 1 საათით შეამცირებს, ასევე მნიშვნელოვნად გაზრდის მომსახურებისა და უსაფრთხოების ხარისხს.

ამ დროისთვის სამუშაოები დასრულებულია ზემო იმერეთი-რაჭის გზის პროექტის პირველი ლოტის 2.5 კმ-ზე, მე-2 და მე-6 ლოტებზე სამუშაოები გრძელდება, დანარჩენ მონაკვეთებზე კი სატენდერო პროცედურები მიმდინარეობს.

საჩხერე-ონის დამაკავშირებელი გზა 52 კმ სიგრძის იქნება

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში