პრემიერ-მინისტრმა მუსლიმ თემს იფთრის ვახშამზე უმასპინძლა

საქართველოს პრემიერ-მინისტრმა, მამუკა ბახტაძემ, რამაზან ბაირამთან დაკავშირებით საქართველოს მუსლიმ თემს იფთრის ვახშამზე უმასპინძლა. მთავრობის მეთაურმა მათ რამაზანის თვე მიულოცა, ამასთან, კეთილდღეობა, სიკეთე და მშვიდობა უსურვა. ამის შესახებ „ინტერპრესნიუსს“ რელიგიის საკითხთა სახელმწიფო სააგენტოდან აცნობეს.

მათი ინფორმაციით, ვახშამს შერიგებისა და სამოქალაქო თანასწორობის საკითხებში საქართველოს სახელმწიფო მინისტრი, ქეთევან ციხელაშვილი, საგარეო საქმეთა მინისტრი, დავით ზალკალიანი, რელიგიის საკითხთა სახელმწიფო სააგენტოს თავმჯდომარე, ზაზა ვაშაყმაძე, რეგიონული მართვის სამსახურის ხელმძღვანელი, სოზარ სუბარი, აჭარის ავტონომიური რესპუბლიკის თავმჯდომარე, თორნიკე რიჟვაძე, ასევე, საქართველოს მუსლიმთა შეიხი, რამინ იგიდოვი, დასავლეთ საქართველოს მუფტი, ბეგლარ ქამაშიძე, აღმოსავლეთ საქართველოს მუფტი, იასინ ალიევი, საქართველოს მუსლიმთა სამმართველოს წარმომადგენლები და საქართველოში აკრედიტებული მუსლიმური სახელმწიფოების ელჩები დაესწრნენ.

ზაზა ვაშაყმაძემ მუსლიმ თემს რამაზანის თვის დადგომა მიულოცა. მისი განცხადებით, იფთრის ვახშამი, რომელიც პრემიერ-მინისტრის მასპინძლობით უკვე მეექვსედ იმართება, ტრადიციად დამკვიდრდა, იგი ნათლად წარმოაჩენს საქართველოს მუსლიმი თემის მნიშვნელობასა და სახელმწიფოს განსაკუთრებულ დამოკიდებულებას მის მიმართ.

სააგენტოს თავმჯდომარემ ისაუბრა საქართველოს სახელმწიფოს მიერ განხორციელებული პროექტების: მუსლიმი თემის დაფინანსების, მეჩეთებისა და სამლოცველოების გადაცემის, საქართველოს შეიარაღებულ ძალებსა და პენიტენციალურ სისტემაში სალოცავი ოთახების მოწყობის, ასევე, სხვადასხვა ჰუმანიტარული, სამედიცინო და ინტერ-რელიგიური აქციის შესახებ საქართველოს რეგიონებში.

ზაზა ვაშაყმაძემ ხაზგასმით აღნიშნა, რომ მუსლიმი თემის წინაშე არსებული გამოწვევები ჯერ კიდევ არსებობს და რელიგიის საკითხთა სახელმწიფო სააგენტო, პრემიერ-მინისტრის დავალებით აქტიურად აგრძელებს მუშაობას ამ მიმართულებით.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა
„ნიუ ჰაუსი“ მომხმარებელს 27-თვიან შიდა უპროცენტო განვადებას სთავაზობს - იცხოვრე კომფორტულ გარემოში