სან დიეგოს სახელმწიფო უნივერსიტეტი კურსდამთავრებულთა პირველ გამოსაშვებ ცერემონიას გამართავს

რუსთაველის თეატრში, სან დიეგოს სახელმწიფო უნივერსიტეტი კურსდამთავრებულთა პირველ გამოსაშვებ ცერემონიას უმასპინძლებს საქართველოში. სპეციალურად ამ ცერემონიისთვის საქართველოს ეწვია სან დიეგოს სახელმწიფო უნივერსიტეტის პრეზიდენტი, ადელა დელატორე და ამერიკელი პროფესორების დელეგაცია.

როგორც „ინტერპრესნიუსს“ სან დიეგოს სახელმწიფო უნივერსიტეტიდან აცნობეს, ღონისძიებას დაესწრებიან საქართველოს პრეზიდენტი სალომე ზურაბიშვილი, საქართველოს ფინანსთა მინისტრი ივანე მაჭავარიანი, აშშ-ის ელჩის მოვალეობის შემსრულებელი საქართველოში ელიზაბეთ რუდი, ათასწლეულის გამოწვევის კორპორაციის ვიცე-პრეზიდენტი ენტონი ველჩერი და ათასწლეულის გამოწვევის ფონდის აღმასრულებელი დირექტორი მაგდა მაღრაძე.

მათივე ინფორმაციით, კურსდამთავრებულებს საზეიმო ვითარებაში გადაეცემათ საერთაშორისო აკრედიტაციის მქონე ამერიკული საბაკალავრო დიპლომი: კომპიუტერული ინჟინერიის, ელექტრული ინჟინერიის და ქიმია/ბიოქიმიის დარგებში.

„SDSU-ს 2019 წლის კურსდამთავრებულთა 40% უნივერსიტეტს წარჩინებით ამთავრებს, რაც მაღალი მაჩვენებელია. უნივერსიტეტის პირველი კურსდამთავრებულები საქართველოში აღჭურვილი არიან ყველა საჭირო უნარითა და ცოდნით იმისათვის, რომ საკუთარი წვლილი შეიტანონ საქართველოს ეკონომიკის განვითარებაში და ინოვაციური მიდგომებით გადაჭრან გლობალური პრობლემები“, - ნათქვამია გავრცელებულ ინფორმაციაში.

გიორგი ანთაძე - საქართველო ვაშინგტონისა და თავისუფალი სამყაროს მთავარი სტრატეგიული პარტნიორია სამხრეთ კავკასიაში და ჩვენ ეს როლი და ფუნქცია ბოლომდე უნდა ავითვისოთ
ქართული პრესის მიმოხილვა 25.01.2021
ლილია შევცოვა - თუ აშშ საქართველოდან არ გასულა, ამერიკელები საქართველოში დაუპირისპირდებიან რუსულ გავლენებს, რომლებიც რამდენადაც ვიცი, ქვეყანაში საკმაოდ მრავლადაა
სადაზღვევო კომპანია "ევროინს ჯორჯიას" დამფუძნებელი კომპანია Eurohold, ბულგარეთში ელექტროენერგიის უდიდესი მომწოდებელი კომპანიის მფლობელი გახდა
სილქფესტი მომხმარებლებს უქმეებზე ულიმიტო ინტერნეტ და უსასრულო სასაუბრო პაკეტების გააქტიურებას სთავაზობს