პრემიერის მოხსენების თანახმად,  ევროკავშირის ქვეყნებში უკანონო მიგრაციის აღკვეთისა და უვიზო რეჟიმის შეუფერხებლად ფუნქციონირებისთვის მუშაობა გრძელდება

„საქართველოს მთავრობა აგრძელებს კონკრეტულ ზომებზე მუშაობას ევროკავშირის ქვეყნებში უკანონო მიგრაციის აღკვეთისა და უვიზო რეჟიმის შეუფერხებლად ფუნქციონირების უზრუნველყოფის მიზნით“, - ამის შესახებ 2018-2020 წლების სამთავრობო პროგრამის შესრულების მიმდინარეობაზე პრემიერ-მინისტრის მოხსენებაშია ნათქვამი. დოკუმენტში ვკითხულობთ, რომ საანგარიშო პერიოდში ევროკავშირის წევრ ქვეყნებთან მიმდინარეობდა კონსულტაციები საქართველოს უსაფრთხო წარმოშობის ქვეყნად აღიარების მიზნით.

დღესდღეობით, საქართველოს უსაფრთხო ქვეყნად აღიარებს ევროკავშირის/შენგენის 12 ქვეყანა: ბულგარეთი, საფრანგეთი, ლიხტენშტეინი, ავსტრია, ბელგია, ნიდერლანდები, ისლანდია, ლუქსემბურგი, ირლანდია, ესტონეთი, დანია, ჩეხეთი.

„საანგარიშო პერიოდში გრძელდებოდა კონსულტაციები წევრ ქვეყნებთან საქართველოს უსაფრთხო წარმოშობის ქვეყნად აღიარების მიზნით, რაც ავტომატურად გულისხმობს თავშესაფრის მაძიებელთა განცხადებების დაჩქარებული პროცედურით განხილვას. ამასთან, საქართველოს მთავრობა აგრძელებს კონკრეტულ ზომებზე მუშაობას, მათ შორის, ევროკომისიასა და ცალკეულ წევრ-სახელმწიფოებთან ერთად, ევროკავშირის/შენგენის სივრცეში უკანონო მიგრაციის აღკვეთისა და უვიზო რეჟიმის შეუფერხებლად ფუნქციონირების უზრუნველყოფის მიზნით.

უვიზო მიმოსვლით გათვალისწინებული ვალდებულებების წარმატებით განხორციელების მიზნით და წარმოქმნილი გამოწვევების საპასუხოდ, საქართველოს მთავრობამ გადადგა შესაბამისი ნაბიჯები − გაღრმავდა ორმხრივი საპოლიციო თანამშრომლობა ევროკავშირის წევრ ქვეყნებთან, გაფართოვდა პოლიციის ატაშეების ქსელი, გაძლიერდა თანამშრომლობა ევროკავშირის სააგენტოებთან (Europol-სა და Frontex-თან). 2019 წლის 29 მარტს გაფორმდა საქართველოსა და ევროკავშირის სისხლის სამართლის სფეროში სამართლებრივი თანამშრომლობის სააგენტოს (ევროჯასტს) შორის თანამშრომლობის შეთანხმება,” - ნათქვამია პრემიერის მოხსენებაში.

ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 07.08.2020
იგორ ტიშკევიჩი - უახლოესი 3-4 წელი მოსკოვის აგრესიული პოლიტიკის გამო პოსტსაბჭოთა ქვეყნებისთვის მშვიდობიანი ვერ იქნება
სიახლე ლიბერთის CASH-IN ბანკომატებში: უნიკალური სერვისი - „ვალუტის კონვერტაცია უბარათოდ“ უკვე ხელმისაწვდომია
ქართულმა ფარმაცევტულმა საწარმო „ავერსი-რაციონალმა“ საერთაშორისო აღიარება კიდევ ერთხელ მოიპოვა
ბიზნეს და საჯარო მონაცემების პირველი ერთიანი პლატფორმა საქართველოში
როგორ გაუზომავენ სიცხეს მოსწავლეთა ერთდროულ ნაკადს?
ბარათიდან თანხის განაღდების ახალი სერვისი ლიბერთის მომხმარებლისთვის „ნიკორა სუპერმარკეტის“ ქსელში
ახალი Galaxy Note 20 და Note 20 Ultra წინასწარი შეკვეთა დაიწყო