ერდოღანი - საუბარიც კი არ შეიძლება იყოს იმაზე, რომ თურქეთმა უარი თქვას რუსული „ეს-400“-ის შეძენაზე

თურქეთი იცავს რუსეთთან გაფორმებულ ხელშეკრულებას რაკეტსაწინააღმდეგო სისტემის მიწოდებაზე, - ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა. მის კომენტარს „ევრონიუსი“ „როიტერის“ სტამბულის ოფისზე დაყრდნობით ავრცელებს. ერდოღანის განცხადებით, საუბარიც კი არ შეიძლება იყოს იმაზე, რომ თურქეთმა უარი თქვას რუსული „ეს-400“-ის შეძენაზე. ჟურნალისტებთან მან განაცხადა, რომ აშშ-ის ალტერნატიული წინადადება მათთვის ანალოგიური ამერიკული იარაღის „პეტრიოტის“ მიწოდების შესახებ არ იყო იმდენად კარგი, როგორიც რუსეთის შეთავაზებაა.

„ევრონიუსის“ ინფორმაციით, თურქეთის მიერ რუსული იარაღის შეძენამ შეაშფოთა აშშ-ც და თურქეთის სხვა ნატოელი მოკავშირეებიც. ისინი აცხადებენ, რომ „ეს-400“ შეუთავსებელია ნატო-ს სისტემებთან. თურქეთმა შესაძლოა ამის შემდეგ ვეღარ მიიღოს ამერიკული თვითმფრინავები „ეფ-35“-ები, რომლის შესახებაც შეთანხმება ასევე მიღწეულია და თურქი მფრინავები აშშ-ში უკვე სწავლობენ ამ თვითმფრინავების გამოყენებას.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
სევრის ხელშეკრულების 100 წლისთავი
Wolt და Mastercard ბათუმში გელიან!