სან დიეგოს სახელმწიფო უნივერსიტეტი სტუდენტების ინოვაციური პროექტებისა და კვლევითი ნაშრომების ყოველწლიურ გამოფენას გამართავს

სან დიეგოს სახელმწიფო უნივერსიტეტი სტუდენტების ინოვაციური პროექტებისა და კვლევითი ნაშრომების ყოველწლიურ გამოფენას გამართავს, - ამის შესახებ „ინტერპრესნიუსს“ სან დიეგოს სახელმწიფო უნივერსიტეტიდან აცნობეს.

მათივე ინფორმაციით, 5 ივნისს, სასტუმრო „ბილტმორში“, სან დიეგოს სახელმწიფო უნივერსიტეტი საქართველოში დამამთავრებელი კურსის სტუდენტების ინოვაციური პროექტებისა და კვლევითი ნაშრომების გამოფენას უმასპინძლებს. ღონისძიებას დაესწრება ამერიკიდან მოწვეული პროფესორების დელეგაცია და წარმომადგენლები საქართველოს ბიზნეს სექტორიდან.

„ღონისძიების მიზანია წარმოადგინოს სან დიეგოს სახელმწიფო უნივერსიტეტის კურსდამთავრებული სტუდენტების პროექტები კომპანიებისა და ორგანიზაციებისთვის მომავალი თანაშრომლობის შესაძლებლობისთვის. პროექტები, რომლებზეც სტუდენტები მთელი წლის მანძილზე ინსტრუქტორებთან და ბიზნეს კომპანიებთან ერთად მუშაობდნენ, იქნება წარმოდგენილი შემდეგი მიმართულებებით: ელექტრული ინჟინერია, კომპიუტერული ინჟინერია და ქიმია/ბიოქიმა.

ღონისძიების მსვლელობისას გაიმართება დისკუსია, რომლის ფარგლებშიც სან დიეგოდან მოწვეული პროფესორები და საქართველოს ბიზნეს სექტორის წარმომადგენლები ისაუბრებენ უნივერსიტეტსა და ბიზნეს სექტორს შორის თანამშრომლობაზე, განიხილავენ ამერიკაში არსებულ წარმატების მაგალითებს და იმ შესაძლებლობებს რომლებსაც სან დიეგოს სახელმწიფო უნივერსიტეტი ბიზნეს სექტორს თანამშრომლობისთვის სთავაზობს,“-აცხადებენ სან დიეგოს სახელმწიფო უნივერსიტეტში.

ცნობისთვის, 2019 წლის 3 ივნისს სან დიეგოს სახელმწიფო უნივერსიტეტმა კურსდამთავრებულთა პირველ ცერემონიას უმასპინძლა საქართველოში. სტუდენტების 40-მა პროცენტმა უნივერსიტეტი წარჩინებით დაამთავრა, რაც საკმაოდ მაღალი მაჩვენებელია. უნივერსიტეტის პირველი კურსდამთავრებულები საქართველოში აღჭურვილი არიან ყველა საჭირო უნარითა და ცოდნით რათა საკუთარი წვლილი შეიტანონ საქართველოს ეკონომიკის განვითარებაში და ინოვაციური მიდგომებით გადაჭრან გლობალური პრობლემები.

სანდიეგოს სახელმწიფო უნივერსიტეტი (SDSU) ასწლიანი ისტორიის მქონე ამერიკული უნივერსიტეტია. ის ერთ-ერთი ყველაზე მოთხოვნადი უმაღლესი სასწავლებელია კალიფორნიაში. SDSU, აშშ-ის ათასწლეულის გამოწვევის კორპორაციის (MCC) მეორე კომპაქტის ფინანსური მხარდაჭერით, საქართველოში 2015 წლიდან სთავაზობს მაღალიხარისხის, საერთაშორისო აკრედიტაციის მქონე საბაკალავრო პროგრამებს საინჟინრო და ტექნოლოგიურ (STEM) დარგებში. პროექტის მთავარი მიზანია საქართველოში მაღალკვალიფიციური STEM კადრების მომზადება. ამჟამად უნივერსიტეტის ამერიკულ საბაკალავრო პროგრამებზე საქართველოში 600-მდე სტუდენტი სწავლობს.

ხათუნა ბურკაძე - გლობალური გამოწვევები გლობალურ ძალისხმევას მოითხოვს, თუმცა, სახელმწიფოებმა უფრო მეტი წინდახედულება უნდა გამოიჩინონ საკუთარი რესურსების  შესაქმნელად
ქართული პრესის მიმოხილვა 30.03.2020
ვალერი სოლოვეი - თუ დაავადებულთა აბსოლუტურ ციფრებს გავითვალისწინებთ, რუსეთი ევროპაში იტალიისა და ესპანეთის შემდეგ მესამე ადგილზეა
BTU-ს ახალი ამერიკული პარტნიორი StrategEast ქვეყანაში ტექნოლოგიური ჰაბის განვითარების პროცესში ერთვება
კომპანია “გრინჰილი“ უერთდება COVID-19-ის წინააღმდეგ ბრძოლის კამპანიას და ამ მიზნით სახელმწიფო ფონდში 100,000 ლარი ჩარიცხა
უკონკურენტო საბანკო მოდელი "პროკრედიტ ბანკისგან", ვიდეო იდენტიფიკაცია, ფილიალის ალტერნატივად
კომპანია „თბილღვინომ“ StopCov ფონდში 50 000 ლარი გადარიცხა
31 მარტიდან Wolt-ით შეკვეთის განთავსება 09:00-19:30 საათებში იქნება შესაძლებელი
„ნიკორამ“ StopCOV ფონდის მხარდასაჭერად 100 000 ლარი გადარიცხა