სტენფორდის უნივერსიტეტის პროფესორი მიხეილ ბატიაშვილს - აღფრთოვანებული ვარ თქვენი ძალისხმევით, განათლების სისტემის ტრანსფორმაციისთვის

აშშ-ში მყოფი საქართველოს განათლების, მეცნიერების, კულტურისა და სპორტის მინისტრი მიხეილ ბატიაშვილი, ოფიციალური ვიზიტით უცხოელ მეცნიერებთან და ექსპერტებთან განათლების სისტემაში მიმდინარე რეფორმების გაცნობას აგრძელებს.

როგორც „ინტერპრესნიუსს“ საქართველოს განათლების, მეცნიერების, კულტურისა და სპორტის სამინისტროდან აცნობეს, ვიზიტის ფარგლებში მინისტრმა რეფორმის მიმდინარეობის პროცესი სტენფორდის უნივერსიტეტის პროფესორთან საუმიტრა ჯასთან შეხვედრაზე განიხილა.

სტენფორდის უნივერსიტეტის პროფესორმა საქართველოში მიმდინარე რეფორმა და მთავრობის მხრიდან განათლების სისტემის მაქსიმალური მხარდაჭერა ქვეყნისთვის უმნიშვნელოვანეს მოვლენად შეაფასა.

„მოვისმინე თქვენი გეგმები და უაღრესად აღმაფრთოვანებელია ის უზარმაზარი ძალიასხმევა, რასაც განათლების სისტემისთვის აკეთებთ. როგორც ჩანს, გექნებათ მნიშვნელოვანი ცვლილებები. ვფიქრობ, რომ ტექნოლოგიების გამოყენება განათლებაში გზას გაგიხსნით მეტი წარმატებისკენ”, - განაცხადა საუმიტრა ჯასმა.

სამინისტროს ინფორმაციით, სტენფორდის უნივერსიტეტის პროფესორები აქტიურად იქნებიან ჩართული განათლების რეფორმის მიმნდინარეობის პროცესში და მონაწილეობას მიიღებენ ყველა იმ იმ საინტერესო იდეის განხორციელებაში, რაც საქართველოში იგეგმება.

საქართველოს განათლების, მეცნიერების კულტურისა და სპორტის მინისტრი მიხეილ ბატიაშვილი, აშშ-ში განათლების საკითხებში პრემიერ-მინისტრის მრჩეველთან მიხეილ ჩხენკელთან ერთად იმყოფება.

დიმიტრი შველიძე -  ხელისუფლების მთავარი თავის ტკივილი „ნაცმოძრაობაა“,  ამ ფონზე, მისთვის შეიძლება უფრო მისაღები იყოს „ევროპული საქართველო“
ქართული პრესის მიმოხილვა 13.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
Wolt და Mastercard ბათუმში გელიან!