რამაზ საყვარელიძე - ვიტალი კლიჩკოს შეთავაზება სააკაშვილისთვის შეიძლება აღმოჩნდეს ჩიხი და აქტიური პოლიტიკიდან გაყვანის პროცედურა

ვიტალი კლიჩკოს მიერ მიხეილ სააკაშვილისთვის თავისი პარტიის ხელმძღვანელად დანიშვნის შეთავაზება, შეიძლება ჩიხი აღმოჩნდეს, საიდანაც სააკაშვილს გამოსვლა გაუჭირდება, - ასე აფასებს პოლიტოლოგი რამაზ საყვარელიძე საქართველოს ყოფილი პრეზიდენტისთვის, მიხეილ სააკაშვილისთვის კიევის მერის ვიტალი კლიჩკოს მიერ თავისი პარტიის ხელმძღვანელად დანიშვნის შეთავაზებას.

როგორც საყვარელიძე აღნიშნავს, სააკაშვილი არ არის ისეთი გულუბრყვილო, არ იცოდეს, მას პარლამენტში შესვლა რომ არ შეუძლია.

„მე არ ვიცი კლიჩკოს პარტიის რეიტინგი, ამიტომ მიჭირს იმის თქმა, თუ რამდენად მიმზიდველია ეს პარტია სააკაშვილისთვის. სააკაშვილი არ არის ისეთი გულუბრყვილო, თვითონ არ იცოდეს, რომ პარლამენტში მას შესვლა არ შეეძლება და ეს შეთავაზება, მისთვის შეიძლება აღმოჩნდეს ჩიხი, რომლიდანაც გამოსვლა გაუჭირდება. დავუშვათ, ის შეიძლება იყოს მხოლოდ პარტიის ხელმძღვანელი და მეტი არაფერი“, - განაცხადა საყვარელიძემ.

კითხვაზე, რაში აწყობს კლიჩკოს სააკაშვილის პარტიის ხელმძვანელად დანიშვნა, საყვარელიძემ უპასუხა, რომ კლიჩკოს თავის პარტიაზე ზრუნვა ტვირთად აწევს და ისეთ ადამიანს გადააბარებს, ვინც მასზე ზრუნვას შეძლებს.

„მერის თანამდებობა, ალბათ კლიჩკოსთვის იოლი თანამდებობა არ არის იმ მხრივ, რომ მან პარტიასაც გაუწიოს ხელმძღვანელობა და მერის ფუნქციებიც შეასრულოს. სავარაუდოდ, ასეთი მდგომარეობა ტვირთია კლიჩკოსათვის. პირადად სააკაშვილისთვის კი ეს შესაძლოა, არაფრის მომცემი არ იყოს. ასე რომ, ეს მე მგონი სააკაშვილისთვის, გარკვეული თვალსაზრისით, აქტიური პოლიტიკიდან გაყვანის პროცედურა შეიძლება აღმოჩნდეს“, - აღნიშნა საყვარელიძემ.

კიევის მერმა ვიტალი კლიჩკომ საქართველოს ყოფილ პრეზიდენტს და ოდესის ოლქის ყოფილ გუბერნატორს, მიხეილ სააკაშვილს მისი პარტიის ხელმძღვანელობა შესთავაზა.

ალექსანდრე თვალჭრელიძე - „ქართული ოცნების“ ეკონომიკური პროგრამა გაცილებით უფრო მოკრძალებული, მაგრამ, ამავდროულად, გაცილებით უფრო რეალისტურია
გია ხუხაშვილი - თუ პროპორციულ არჩევნებში ხელისუფლებამ ვერ მოახერხა 40%-იანი ბარიერის გადალახვა, ხელისუფლებას მეორე ტურში შეიძლება შეექმნას სერიოზული პრობლემა
ქართული პრესის მიმოხილვა 17.09.2020
რან გიდორი - სწრაფვა მშვიდობისკენ კორონავირუსის დასამარცხებლად
"მემარცხენე ალიანსის" ლიდერი კახა ძაგანია - "ვხსნით ჩვენს პარტიას რეგისტრაციიდან და ვუერთდებით "პატრიოტთა ალიანსს"
ირმა ინაშვილი - ჩვენთან მიმართებაში გამოცხადებულია საინფორმაციო ბლოკადა
წინანდლის მამული რიგით მეორე მუსიკალურ ფესტივალს მასპინძლობს
წინანდლის მუზეუმს შარლ დე გოლის წერილები გადაეცა