საქართველოს პრეზიდენტი სალომე ზურაბიშვილი გიორგი ელიავას სახელობის კვლევით ინსტიტუტ „ბაქტერიოფაგს“ და დავით ტვილდიანის სახელობის სამედიცინო უნივერსიტეტის საზოგადოებრივ საექთნო კოლეჯს ესტუმრა.
როგორც „ინტერპრესნიუსს“ პრეზიდენტის პრესსამსახურიდან აცნობეს, პრეზიდენტმა „ბაქტერიოფაგში“ ფაგოთერაპიის ცენტრი, სასწავლო ლაბორატორიები, მუზეუმი და ბიბლიოთეკა დაათვალიერა და მისი მუშაობის სპეციფიკას გაეცნო. საქართველოს პრეზიდენტი დავით ტვილდიანის სახელობის სამედიცინო უნივერსიტეტის საზოგადოებრივ საექთნო კოლეჯში სტუდენტების სწავლების მეთოდებს, სასწავლო გაცვლით პროგრამებსა და სამომავლო დასაქმების სქემას გაეცნო და სიმულაციის ოთახი, ბიბლიოთეკა, კოლეჯი და უნივერსიტეტის სტუდენტების სალექციო აუდიტორიები დაათვალიერა.