თბილისის ქონების მართვის სააგენტო დედაქალაქის ქონებასთან დაკავშირებულ დავებზე სასამართლო ბაჟის გადახდისგან თავისუფლდება.
შესაბამისი ცვლილებები “სახელმწიფო ბაჟის შესახებ“ კანონში ხორციელდება, რომელიც დღეს, პირველი მოსმენით, რეგიონული პოლიტიკისა და თვითმმართველობის კომიტეტის წევრებმა განიხილეს და მხარი დაუჭირეს.
როგორც პროექტის განხილვისას აღინიშნა, ყველა სხვა მუნიციპალიტეტში, რადგან მათ საჯარო სამართლის იურიდიული პირების დაფუძნების უფლება არა აქვთ, ქონებასთან დაკავშირებულ დავებს თავად მუნიციპალიტეტის აღმასრულებელი და წარმომადგენლობითი ორგანოები აწარმოებენ, რომლებსაც სასამართლოებისათვის მიმართვის დროს სახელმწიფო ბაჟის გადახდა არ უწევთ.