„ნენსკრა ჰიდრომ“ გარემოსდაცვით კვლევებზე 10 მილიონამდე ლარი დახარჯა

„ნენსკრა ჰესის“ საპროექტო კომპანიამ - სს „ნენსკრა ჰიდრომ“ გარემოსდაცვითი ღონისძიებების ფარგლებში ჩატარებულ კვლევებსა და მონიტორინგზე, დღეის მდგომარეობით, 10 მილიონამდე ლარი დახარჯა. ამის შესახებ „ინტერპრესნიუსს“ კომპანია „ნენსკრა ჰიდროდან“ აცნობეს.

როგორც კომპანიაში აცხადებენ, ნენსკრას ჰიდროელექტროსადგურის პროექტის ბუნებრივ და სოციალურ გარემოზე ზემოქმედების შეფასების ანგარიშზე (გზშ) მუშაობა 2011-2017 წლებში მიმდინარეობდა. მის ფარგლებში ჩატარებულ კვლევებზე როგორც ქართველმა, ისე საერთაშორისო სპეციალისტებმა იმუშავეს.

ზემოქმედების შეფასებასთან ერთად, ანგარიში მოიცავს იმ შემარბილებელი ღონისძიებების ჩამონათვალს, რომელთა შესრულების ვალდებულება საპროექტო კომპანიას აქვს აღებული. კვლევების შედეგები 10 ტომში აისახა და ჯამში 3000-მდე გვერდს მოიცავს. ნენსკრა ჰესის გარემოზე ზემოქმედების შეფასების ანგარიში საპროექტო კომპანიის ვებ-გვერდზე www.nenskra.ge ქართულ და ინგლისურ ენებზეა ხელმისაწვდომი.

„ამჟამად “ნენსკრა ჰიდრო” მთელ რიგ გარემოსდაცვით ღონისძიებებს ახორციელებს, რომლებიც გარემოსდაცვითი და სოციალური მართვის გეგმაშია აღწერილი და როგორც მშენებლობის, ისე ექსპლუატაციის დროს გაგრძელდება.

ამ ეტაპზე ნენსკრასა და ნაკრას ხეობებში მიმდინარეობს ისეთი გარემოსდაცვითი ღონისძიებები, როგორებიცაა ხმაურის დონის, წყლის ხარისხისა და ხარჯის, ამინდის მონიტორინგი, ასევე დაკვირვება ბიომრავალფეროვნების ისეთ კომპონენტებზე, როგორიცაა მურა დათვი, წავი, კალმახი და სხვა,“-აცხადებენ კომპანიაში.

ცნობისთვის, სს „ნენსკრა ჰიდრო“ კორეის წყლის რესურსების კორპორაცია K-water-ისა და სს „საპარტნიორო ფონდის“ თანამშრომლობის შედეგად 2015 წელს შეიქმნა. კომპანია მესტიის მუნიციპალიტეტში, მდინარეების ნენსკრასა და ნაკრას ხეობებში მაღალკაშხლიანი ჰიდროელექტროსადგურის მშენებლობას განახორციელებს. ჰიდროელექტროსადგური, რომლის დადგმული სიმძლავრე 280 მეგავატია, საქართველოს ყოველწლიურად 1’200.00 გვტ.სთ ელექტროენერგიას მიაწვდის. გამომუშავებული ელექტროენერგია მთლიანად ადგილობრივ ბაზარს მოხმარდება. სამშენებლო სამუშაოების პარალელურად, სს „ნენსკრა ჰიდრო“ აღნიშნულ ხეობებში მთელ რიგ სოციალურ პროექტებს ახორციელებს, რომლებიც რეგიონის მდგრად განვითარებაზეა მიმართული. სოციალური პროექტები ძირითადად პროფესიული განათლების, მცირე ინფრასტრუქტურის რეაბილიტაციისა და მცირე და საშუალო ბიზნესის ხელშეწყობის სფეროებში ხორციელდება.

ვაჟა ბერიძე -  „ნაციონალებს“ და მის მოკავშირეებს ელექტორატის ნახევარზე მეტი არ უჭერს მხარს, ხოლო 50%,  ვისაც არჩევანი გაკეთებული არ აქვს, „ოცნების“, დასავლელი პარტნიორებისა და საზოგადოების მთავარი პრობლემაა
ქართული პრესის მიმოხილვა 14.08.2020
აგვისტოს ომიდან 12 წლის შემდეგაც საქართველო დგას რუსული აგრესიის წინაშე
ირმა ინაშვილი საქართველოსა და აშშ-ის ხელისუფლებას მოუწოდებს, IRI-სა და NDI-ს საქართველოში კვლევების ჩატარება და გამოქვეყნება აეკრძალოთ
„თიბისის" პერსონალური საბანკო მომსახურება ტრანსფორმაციის ეტაპზე გადავიდა
Wolt და Mastercard ბათუმში გელიან!