BTU-ს სტუდენტებმა დმანისის მუზეუმისთვის ინოვაციური აპლიკაცია შექმნეს

ბიზნესისა და ტექნოლოგიების უნივერსიტეტის სტუდენტების მიერ შექმნილი აპლიკაცია დმანისის მუზეუმის ვიზიტორებს საშუალებას აძლევს, პირველი ევროპელები გაფართოებულ რეალობაში დაათვალიეროს.

„ჩვენი სტუდენტების მიერ გაკეთებული აპლიკაცია კარგი პრეცედენტია, თუ როგორ შეიძლება შეერწყას ერთმანეთს ისტორიული მასალა და ინოვაციური ტექნოლოგიები“, – ამის შესახებ ბიზნესისა და ტექნოლოგიების უნივერსიტეტის რექტორმა, ანდრო რურუამ დმანისის მუზეუმში, ადამიანის ევოლუციის ამსახველი ციფრული პალტფორმის პრეზენტაციაზე განაცხადა.

აპლიკაციაზე უნივერსიტეტის ორმა სტუდენტმა იმუშავა. როგორც საქართველოს ეროვნული მუზეუმის დირექტორმა, დავით ლორთქიფანიძემ აღნიშნა, ადამიანის ევოლუციის ამსახველი ციფრული პლატფორმა დამთვალიერებლის მოზიდვასაც შეაუწყობს ხელს:

„მეცნიერული ცოდნის წარდგენისთვის სხვადასხვა საშუალებას მივმართავთ ხოლმე, როგორც ტრადიციულს, ისე თანამედროვეს. ამ შემთხვევაში, ციფრული ტექნოლოგიები გამოვიყენეთ. ბიზნესისა და ტექნოლოგიების უნივერსიტეტთან თანამშრომლობა საშუალებას გვაძლევს ახალი ფორმით ახალი მნახველები მოვიზიდოთ,“ – აღნიშნა დავით ლორთქიფანიძემ.

ციფრული პლატფორმის პრეზენტაციას დაესწრო თურქეთის რესპუბლიკის ელჩი საქართველოში, ფატმა სერენ იაზგანი, ტურიზმის ადმინისტრაციის ხელმძღვანელი მარიამ ქვრივიშვილი, სტუმრები დადებითად აფასებენ აპლიკაციას და აღნიშნავენ, რომ იგი ხელს შეუწყობს ტურიზმის განვითარებას:

„ძალიან ვაფასებ საქართველოში თანამედროვე ტექნოლოგიების აქტიურად გამოყენებას. ეს პროექტი ძალიან მნიშვნელოვანი და საინტერესოა, როგორც ტურიზმის განვითარებისთვის, ასევე, ჩვენთვისაც, დიპლომატებისთვის. მსგავსი რამ სხვაგან არსად მინახავს, უნიკალური იდეაა, ამიტომ ორმაგად დასაფასებელია,“ – აღნიშნა ელჩმა.

არტეფაქტების ერთიანი ვიზუალიზაცია, მათი პირვანდელი მდებარეობების შესაბამისად, საქართველოს სამუზეუმო სივრცისთვის უპრეცედენტოა და დამთვალიერებელს მუზეუმში ვიზიტისას სრულიად ახალ, განსხვავებულ გამოცდილებას სთავაზობს.

თორნიკე ჯანაშვილი - ქვეყანა ღრმა ეკონომიკურ კრიზისშია  და მომავალ წელს უფრო მძიმე  კრიზისის  წინაშე  შეიძლება აღმოვჩნდეთ
ვიქტორ ყიფიანი - როგორიც არ უნდა იყოს რეგიონალური თუ საერთაშორისო კონიუქტურა, რისკების ასაცილებლად და შესაძლებლობების გამოსაყენებლად გზები დამოუკიდებლად უნდა ვეძებოთ
ქართული პრესის მიმოხილვა 10.08.2020
სევრის ხელშეკრულების 100 წლისთავი
სილქნეტის სამთვიანი აქცია უფასო ინსტალაციაზე ამოქმედდა