აკაკი ცომაია ფინანსთა მინისტრის  ბრძანებაზე - ეს გადაწყვეტილება ბიზნესს გარკვეულ პრობლემებს შეუქმნის

გადაწყვეტილება, რომლის თანახმად კომპანიების ე.წ.ოქროს სია გაუქმდა და ბიზნესს იმპორტის გადასახდელების გადახდის ვადა 30 დღის ნაცვლად, 5 დღეში მოუწევს, ბიზნესს გარკვეულ პრობლემებს შეუქმნის, - ამის შესახებ „ინტერპრესნიუსს“ ეკონომიკის ექსპერტმა აკაკი ცომაიამ განუცხადა.

მისი თქმით, აღნიშნული გადაწყვეტილების შედეგად, ბიზნესისთვის ფულის მოძრაობა უფრო ძნელად ხელმისაწვდომი იქნება. ექსპერტის შეფასებით, მსგავს ღონისძიებებს მთავრობამ იმიტომ მიმართა, რომ „როგორც ჩანს, ბიუჯეტს გაუჭირდა“.

„ამ გადაწყვეტილებას დადებითად ნამდვილად ვერ შევხედავ, რადგან ჯერ ერთი - ეს არის მოულოდნელი გადაწყვეტილება ბიზნესებისათვის და სხვას რომ ყველაფერს თავი დავანებოთ, ჩინოვნიკების მხრიდან ასეთი ქცევა ძალზე არაეთიკურია. თავად გადაწყვეტილება შეიძლება ნაკლებად დამაზიანებელია, მაგრამ ზოგადად, ბიზნესგარემოზე ეს ფაქტორი ძალიან ცუდად აისახება.

მეორე მხრივ, აღნიშნული გადაწყვეტილება ზღუდავს ფულის ხელმისაწვდომობას. ფულის მოძრაობა უფრო პრობლემური ხდება მცირე და საშუალო ბიზნესისათვის იმიტომ, რომ ბიზნესებს შემოაქვთ საქონელი, ყიდიან და ამის მიხედვით იღებენ ფულს, ლიკვიდობას და იხდიან ბიუჯეტში. თუ ეს ვადა შეუმცირე, ბუნებრივია, ხელში შერჩებათ საქონელი და არ ექნებათ ფული, ამიტომ მათ მოუწევთ დამატებით თანხის სესხება, რაც ასევე დამატებით დანახარჯებთან იქნება დაკავშირებული. როგორც ჩანს, ბიუჯეტის შევსებაში იქმნება პრობლემები და შესაბამისად, ჯოხი სასწრაფოდ გადატეხეს ბიზნესზე.

ასეთი გადაწყვეტილება არ უნდა მიეღო მთავრობას ისე, როგორც ძალიან ბევრი გადაწყვეტილება, რომლებსაც ის იღებს“, - განაცხადა აკაკი ცომაიამ.

შეგახსენებთ, რომ ფინანსთა მინისტრის ბრძანების თანახმად, კომპანიების ე.წ.ოქროს სია გაუქმდა და ბიზნესს იმპორტის გადასახდელების გადახდის ვადა, 30 დღის ნაცვლად, 5 დღეში მოუწევს.

ემილ ავდალიანი - ირანი და ჩინეთი 400 მილიარდი დოლარის შეთანხმებას ამზადებენ, თუ ეს მოხდა პერსპექტივაში ჩინური გავლენა ირანსა და ახლო აღმოსავლეთზე ხელშესახები გახდება
ქართული პრესის მიმოხილვა 25.09.2020
ამირან სალუქვაძე - 2020 წლის საპარლამენტო არჩევნების მთავარი ინტრიგა იქნება, ვინ გადალახავს ამ საცოდავ 1%-ს
მე-3 და მე-4 კატეგორიების საწარმოებისთვის
Samsung Galaxy S20 FE (Fan Edition) წინასწარი შეკვეთები უკვე დაიწყო
პანდემიის დროს გააქტიურებული ქართული სტარტაპი - 0% საკომისიო და უფასო მიტანა 100 დღის განმავლობაში
„კარფურის გათამაშება გრძელდება“ - წინ კიდევ უსასრულო სიურპრიზებით სავსე 2 კვირა გელოდებათ
"ლიბერთის" ახალი აქცია - #გულით პედაგოგებისთვის