სკოლის დირექტორის განცხადებით, მოსწავლის ორსულობის ამბავი მაშინ გაიგეს, როდესაც მას მუცელი ასტკივდა და საავადმყოფოში გადაიყვანეს

არაფერი შეგვინიშნავს, ბოლომდე აქტიური მოსწავლე იყო. სპორტის გაკვეთილებს ესწრებოდა, კალათბურთს და ფრენბურთს თამაშობდა, - ამის შესახებ სკოლის დირექტორმა 16 წლის მოზარდის მიერ ბავშვის გაჩენის კომენტირებისას განაცხადა.

მისი თქმით, მომხდარის შესახებ, დაახლოებით ერთი კვირის წინ გაიგეს, როდესაც გოგონას მუცელი ასტკივდა და საავადმყოფოში გადაიყვანეს.

„დერეფანში იყო გამოსული, მითხრა ცუდად ვარო. მერე გაკვეთილზე დაბრუნდა, თუმცა ძლიერი მუცლის ტკივილი დაეწყო. ჩვენ ბრმა ნაწლავი გვეგონა. ორსულობას ვერც ვიფიქრებდით, საერთოდ არაფერი ეტყობოდა. კლინიკიდან სამშობიაროში გადაიყვანეს, მოგვიანებით გავიგეთ, რომ თურმე ორსულად იყო. ძალიან კარგი, აქტიური და მოწესრიგებული მოსწავლე იყო.

იმის გათვალისწინებით, რომ სკოლა ხშირად არ გაუცდენია, თუ მას სურვილი ექნება, შესაძლებელია, ახალი სასწავლო წლიდან სკოლაში იაროს. ამ ეტაპზე ველოდები გამოძიებას, რის შემდეგაც მშობლებს დავუკავშირდები“, - აცხადებს სკოლის დირექტორი.

პედაგოგისვე ინფორმაციით, საქმეში სოციალური სამსახურია ჩართული.

ლაგოდეხის მუნიციპალიტეტში 16 წლის გოგო, რომელმაც ბავშვი გააჩინა, 40 წლის ნათესავს სექსუალურ ძალადობაში ადანაშაულებს. გოგონა მე-11 კლასის მოსწავლეა. „ადამიანის უფლებათა ცენტრის“ იურისტის, ლია ხუროშვილის ინფორმაციით, არასრულწლოვანმა ორსულობის შესახებ მაშინ გაიგო, როდესაც სკოლაში შეუძლოდ გახდა და საავადმყოფოში წაიყვანეს. არასრულწლოვანმა იმ დღესვე იმშობიარა.

შინაგან საქმეთა სამინისტროს ინფორმაციით, ფაქტზე გამოძიება სისხლის სამართლის კოდექსის 140-ე მუხლით მიმდინარეობს, რაც გულისხმობს სქესობრივ კავშირს ან სექსუალური ხასიათის სხვაგვარ მოქმედებას 16 წელს მიუღწეველთან.

უწყების ცნობით, ასევე ტარდება საგამოძიებო მოქმედებები ბავშვის მამის დადგენის მიზნით, მას შემდეგ რაც დადგინდება მამის ვინაობა, მიღებული იქნება შესაბამისი გადაწყვეტილება.

ავთანდილ წულაძე - საქართველოსთან მიმართებაში რუსეთის სტრატეგიული მიზანი არსებული სტატუს-კვოს შენარჩუნებაა
ქართული პრესის მიმოხილვა 23.01.2020
ვახტანგ ხმალაძე - ეუთო/ოდირის პასუხი საარჩევნო სისტემასთან დაკავშირებით ოპოზიციის წინადადებაზე სავარაუდოდ, ამ თვის ბოლომდე უნდა იყოს
გათამაშდა 1 მილიონ 182 454 ლარი - იძებნება მოგებული!
თეგეტა მოტორსმა 2019 წელი ავტოინდუსტრიის ბაზრის ლიდერის სტატუსით დახურა
სილქნეტმა გლობალურ საკომუნიკაციო კომპანია OneWeb-თან თანამშრომლობის მემორანდუმს მოაწერა ხელი
გეოგრაფიკი და კოლიერსი აბასთუმნის განვითარების პროექტის შესახებ
"ლიბერთი ბანკსა" და "ევექსი კლინიკებს" შორის ურთიერთთანამშრომლობის მემორანდუმი გაფორმდა
"სილქნეტი" აგრძელებს ოპტიკური ქსელის განვითარებას რეგიონებში - დაფარვის ზონას დაემატა დუშეთი