ამბროლაურის აეროპორტში მდგრადი განვითარების მეორე ეროვნული ფესტივალი გაიმართება

7 ივნისს, ამბროლაურში, მდგრადი განვითარების მეორე ეროვნული ფესტივალი, „მდგრადი განვითარება ყველასთვის“ გაიმართება. ამის შესახებ „ინტერპრესნიუსს“ საქართველოს აეროპორტების გაერთიანებიდან აცნობეს.

მათი ინფორმაციით, ფესტივალის პირველ ღონისძიებას - „მომავლის პორტალი“ ამბროლაურის აეროპორტი უმასპინძლებს. ღონისძიებასთან დაკავშირებით, ნატახტარი - ამბროლაურის მიმართულებით, 7 ივნისს დამატებით ავიარეისი შესრულდება.

რეისები შემდეგი განრიგით განხორციელდება: ნატახტარი - ამბროლაური: 08:00; ამბროლაური - ნატახტარი: 09:15; ნატახტარი - ამბროლაური: 18:30; ამბროლაური - ნატახტარი: 19:45.

ღონისძიების ორგანიზატორია გაერთიანებული ერების ორგანიზაცია პარტნიორებთან და მხარდამჭერებთან თანამშრომლობით.

აეროპორტში გამართულ ღონისძიებაზე სიტყვით გამოვლენ გაეროს განვითარების პროგრამის (UNDP) მუდმივი წარმომადგენელი საქართველოში ლუიზა ვინტონი და რაჭა-ლეჩხუმისა და ქვემო სვანეთის რწმუნებულ-გუბერნატორი არჩილ ჯაფარიძე.

ამბროლაურის აეროპორტში გამართულ ღონისძიებას, ასევე, დაესწრება საქართველოს წარჩინებული პარაოლიმპიელი, მსოფლიოს მრავალგზის ჩემპიონი ეტლით ფარიკაობაში და საქართველოს კეთილი ნების ელჩი მდგრადი განვითარების საკითხებში ირმა ხეცურიანი.

აეროპორტის შემდეგ ფესტივალი ამბროლაურის ცენტრში გადაინაცვლებს, სადაც მრავალფეროვანი აქტივობებია დაგეგმილი.

გიორგი ანთაძე - საქართველომ რეგიონში არსებული სამხედრო დისბალანსის გათვალისწინებით, თავისი თავდაცვის შესაძლებლობების გაუმჯობესებისკენ უფრო ქმედითი ნაბიჯები უნდა გადადგას
ქართული პრესის მიმოხილვა 03.08.2020
ალექსანდრე თვალჭრელიძე -  გაბრაზებული ამომრჩევლები ხმას მცირე პარტიებს მისცემენ, პარლამენტის გასაღები სწორედ მცირე პარტიების და  ახალი სახეების ხელშია
„ციტადელი“ მომხმარებელს ახალ შოურუმში ეპატიჟება
როგორ ვისარგებლოთ თიბისი ფეის აპლიკაციით
კრედო ბანკსა და ევროპის საინვესტიციო ბანკს შორის მიკრო, მცირე და საშუალო ბიზნესების ხელშესაწყობად 36 მილიონი ლარის მოცულობის საფინანსო ხელშეკრულება გაფორმდა